Lunar Academy: School For The Hunters

51. Operation

Lahat ng atensyon namin ay napunta kay Helena. May inalapag itong isang mapa sa lamesa. Pare-parehong napunta rito ang mga tingin namin.

"One week from now, we'll have our operation," panimula niya. "Bago ko sabihin ang plano, sasabihin ko muna ang pakay natin."

Tumayo siya mula sapagkakaupo at lumapit sa isang white board sa likod ng pwesto niya. Inikot niya 'to dahilan para makita namin ang nakadikit dito. Para akong binuhasan ng malamig na tubig nang makita ang letrato na nakadikit sa white board.

Mabilis namilog ang mga mata ko at bumigat ang pakiramdam ko.

That is-

"Griko L. Munar—alias 'Papa'," pagpapakilala ni Helena sa taong nasa letrato.

Hindi ako makagalaw sa pwesto ko. Litrato 'yon ni Papa... ang lalaking nagpadala sa akin dito.

Mariin akong napahawak sa ibabang suot ko sa ilalim ng lamesa. Pasimple akong napakagat sa ibabang labi.

"Suspect for child kidnapping. Kumikidnap siya ng mga batang gifteds at pinapalaki itong mga mamamatay tao," pagpapaliwanag ni Helena.

"Ginagamit niya ang mga gifteds na 'yon para lumalim ang koneksyon niya sa underground association," dagdag niya.

My expression became dull. Sunod-sunod nagsibagsakan ang mga pawis ko kahit hindi mainit sa kwarto. Hindi pumapasok sa isip ko ang mga sinasabi niya. Nararamdaman ko ang panginginig ng mga kamay ko.

"Pero wala pa ring sapat na impormasyon kung ano nga ba ang pinaplano ni Papa. Ang nakalap lang naming impormasyon ay ang magiging operation natin ngayon."

"One week from now, makikipagkita si Papa sa isa sa mga wanted criminal sa underground association. It's no other than alias Joker."

Muling lumapit sa amin si Helena at may binilugan ito sa mapa.

"Dito makikipagkita si Papa kay Joker. At dito rin natin sila ia-ambush."

Pare-parehong tumango ang mga kasama ko nang maintindihan ang sinabi niya.

Ngunit sa kabilang banda ay nanatili akong tulala. Nahihirapan akong huminga dahil sa bigat ng pakiramdam ko.

"Paano ang mga gifteds na kinuha ni Papa? Paano kapag sumagabal sila sa plano?" marahang tanong ni Eslin. Umangat ang tingin niya kay Helena.

"No need to hold back. They're already criminals anyways. Ang number one priority natin ay ang mahuli si Papa at si Joker," walang kaemo-emosyong sagot ni Helena.

Para akong binuhusan ng malamig na tubig sa narinig. Nanlumo ako sa sinabi niya.

Sina Liev—madadamay sila...

"P-Pero 'yon ang tinuro sa kanila ni Papa! Paano kung hindi naman nila 'yon ginusto?" sambit ko.

Pare-parehong napunta ang mga atensyon nila sa akin nang magsalita ako. I suddenly reacted without thinking twice.

Tila nagbago ang ekspresyon ni Helena nang humarap siya sa akin. I was taken aback, seeing the look on her eyes.

"Only loyal dogs will listen and stay with their master no matter what. Pero kahit ang aso ay may isip at nagkakoroon sila ng pag-iisip na kumilos mag-isa."

"Darating ang araw na magkakaisip ang mga batang kinuha ni Papa... at kapag mas pinili pa rin nilang sumunod kay Papa ay wala na silang ipinagkiba pa sa kaniya."

Helena's words stabbed me like they're knives. Hindi ako nakaimik sa sinabi niya. Inalis niya ang tingin niya sa akin at muling humarap sa mga kasama ko.