حبيبتى ....سيد

الفصل الاول

بسم الله الرحمن الرحيم
وبه نستعين
حبيبتى .....سيد بقلم امانى عمر
الشخصيات
نورهان..طالبة جامعية عمرها 21 سنةمتفوقة فى دراستها __ مقبولة الشكل لا بل هى جميلة ولكنها لا تعرف كيفية اظهار جمالها ومن الممكن ان تكون ظروف تنشئتها لها الدخل الاكبر فى ذلك

كريم ...28 سنة ..تخرج من كلية الاقتصاد مستهتر ولكنه له حدوده التى يحافظ عليها ولا يتخطاها لا يعمل حتى الان فبعد ان انهى جامعته بصعوبة ادى خدمته العسكرية .. طويل جذاب والصورة بتتكلم اصلا فمش محتاجة اشرح كتير😁
..باقى الشخصيات نتعرف عليهم مع تتابع الاحداث

الفصل الاول

سائق التاكسي.باندهاش
..انتى بتعملى ايه ٌ.؟
..انت مالك انت بص قدامك وخليك فى حالك ..اخرجت من ملابسها مطواه
..عارف لو لمحتك بتبص وراك هشلفطلك وشك الحلو ده
اومأ لها الرجل رأسه بهلع
..حاضر ..حاضر مش هبص واللهى
بدلت ملابسها سريعا لينظر لها الرجل بعدها بذهول فقد تحولت فى غمضة عين من فتاة جميلة الى ........
_____________

نايت كلاب درجة تالتة
نجوى باستياء.وهى تتلفت حولها .ايه يا نورا اللى رجعك هنا تانى
...الامتحانات خلصت يا ماما ..ومش هعرف اقعد فى المدينة اكتر من كده
...طب تعالى ندخل اوضتى بسرعة قبل ما حد يشوفك

معقول يا ماما دى مقابلة تقابلينى بيها بعد الغيبة دى كلها هو انا موحشتكيش ولا ايه
...جذبتها نجوى لاحضانها
..وحشتينى طبعا هو انا ليا غيرك بس غصب عنى يا حبيبتى انتى عارفة فتحى من ساعة ما سمعك وانتى بتغنى وعرف انك بنت وهو حطك فى دماغه
نورا بحدة بعض الشئ
...يعنى المطلوب منى اعمل ايه اكتر من كده ..مش كفاية محبوسه طول عمرى فى الشكل ده ومتحرم عليا حتى انى احس اوالبس زى البنات استطردت ببكاء ولا انتى بتبقى مبسوطة لما الكل هنا بينادينى ويقولى يا سيد
....ضمتها نجوى مرة اخرى
..انا اسفة يا حبيبتى ما تزعليش منى بس انتى عارفة انا بخاف عليكى قد ايه والناس اللى هنا دى ما بترحمش ومبيشوفوش فى الست غير جسمها ولا يهمهم مشاعرها ولا حتى بيعتبروا ان عندها كرامة وبتحس زيهم
...
دفع فتحى الباب ودخل فجأه

....اي ده دى طلعت سيد هنا بصحيح ومكدبش اللى قالى .. يا اهلا بالسنيورة طولتى علينا الغيبة اوى المرة دى
..
نجوى .بلجلجة...ددى جاية تاخد منى قرشين وهتمشى ع طول

...تمشى على فين ياختى..هو دخول الحمام زى خروجه نطق جملته الاخيرة ويده تمتد لتتلمس وجنتها
فلوت نورا له ذراعه
___ابعد ايدك عنى يا حيوان

..بت انتى انا لغاية دلوقتى واخدك على الهادى مش عايز استخدم معاكى القوة
.نورا بتحدى ...طب جرب كده ..وانا اكومك مكانك
..نفض فتحى ذراعه منها بعد ان ارخت قبضتهاوهو يستطرد
عقلى بنتك يا نجوى..وعرفيها وضعك كويس

...نجوى ..ما تفكك منها بقى يا فتحى البت لسه صغيرة و بتتعلم
فتحى بتهكم ...هههه هههه وهو فى بردو علام احسن من اللى هتتعلمه هنا ..