حبيبتى ....سيد

الفصل الثالث والعشرين

بسم الله الرحمن الرحيم
وبه نستعين
الفصل الثالث والعشرين حبيبتى ..سيد

اغلق كريم الباب بالمفتاح بعد ما خرجت نجوى
نورا بقلق
.انت قفلت الباب بالمفتاح ليه
اقترب منها وفى عينيه نظرة متسليه
..رفعت اصبعها محذرة وهى تبتعد عنه الى اقصى الغرفة حتى اصطدم ظهرها بالحائط
..اياك تقرب منى انت عارف انى بلعب  بوكسينج
وممكن اسويك ضرب.....

كريم بتهكم
يا واد يا جامد  ..اا اموت انا فى العنف المنزلى
ده هيبقى لقاء الجبابرة
.اقترب منها اكثر و.رجعت هى للخلف حتى اصطدم ظهرها بالكومود
..انت اكيد جرى لمخك حاجة ..لف ذراعيه حولها واقترب بوجهه منها فاغمضت عينيها بتأهب فابتسم بتسلية وهو  يلتقط علبة سجائره من خلفها
__شوفتى بقى ان نيتك وحشة .
فتحت عينيها ونظرت اليه بغيظ
بس ااقول ايه معذورة يا ناس هتموت عليا ومش قادرة تخبى اكتر من كده
امسكت الوسادة وكادت ان تلقيها بوجهه لولا انه سحبها اليه ووقع بها على الفراش
...ثم همس باذنها
..الا قوليلى امك كانت بتوشوشك بتقولك ايه هموت واعرف
..برقت عينيها واحمر وجهها بخجل لعلمها انه استمع لحديثهم
بينما هو استطرد وهو يتطلع اليها بقوة
..على فكرة انا متجوزتكيش ابد ا عشان الميراث والخلفة  والا كان ممكن اتجوز اى واحدة  البنات على قفا من يشيل زى ما بيقولوا وخصوصا لما رفضتينى ..
نورا بهمس وقد اضعفها قربه منها الى هذه الدرجة
امال عشان ايه؟
..بصى فى عينى وانتى هتحسي وتعرفى اسبلت عينيها بخجل وشعرت بتثاقل فى جسدها  ولم تقوى على التحرك وكأنه قد القى عليها تعويذة سحرية جعلتها اثيرة تلك العينين وهذا الصوت الرجولى الرخيم
رفع وجهها باصبعه ونظر بعينيها وهو يملس على وجنتها
فشعر بسخونة تنبثق اليه
كريم بخضة .نورا انتى تعبانة ؟
...لا ابدا انا كويسة اوى بس لمابصحى من النوم ببقى دافية شوية ..ولكنها فى الواقع كانت تشعر بالمرض منذ الامس ولكنها لم تعير الامر اهتماما 
اومأ لها براسه مصدقا ثم استطرد حديثه
لما شوفتك اول مرة حسيت بشعور غريب اوى
اول ما بصيت فى عينيكى حسيتك بتقوليلى اوعى تتخلى عنى انا محتاجالك 
حسيتك كانك حتة منى... انك مسؤولة منى كانك بنتى
اردف بمرح
طبعا منكرش انى استغربت الكائن الغريب اللى  شايفه قدامى  بس ده زود فضولى  انى اتعرف عليكى اكتر  وافهمك
..نورا .انا نفسي ننسي كل  اللى فات ونبدأ مع بعض صفحة جديدة فى حياتنا مع بعض و جوازنا يبقى  بحق وحقيقى ايه رايك؟ ..صدقينى انتى وجودك بقى  مهم اوى فى حياتى
لم يعترف لها بحبه ولكن حسنا يكفيها هذا التصريح  حاليا
نورا بخجل ...و.انت كمان
كريم بتمنى انا كمان ايه؟
سمعا طرقا على الباب
كريم بغيظ .....مين ؟
ساميةمن الخارج
..ممكن ادخل ؟
  
انتفضت نورا واقفة  تعدل نفسها
..كريم وهو يشير على هيئتها ..ههه ههه يا مجنونة  انا جوزك ليه محسسانى انهم هيقفشونا مع بعض
..
كريم..طبعا اتفضلى يا تيتة
دخلت سامية
..صباحية مباركة يا حبايبى
نورا ..صباح النور
..انا كلمت الغفير  اللى فى بيت المزرعة وقلتله يخلى جماعته ينضفلكم البيت ويجهزولكم اكل ..
..كريم بتوتر
ليه؟
واشمعنى يعنى بيت المزرعة
..سامية باستغراب
مش عايزين تطلعوا شهر العسل ولا ايه