حبيبتى ....سيد

الفصل الثانى عشر

بسم الله الرحمن الرحيم
وبه نستعين
الفصل الثانى عشر.(حبيبتى ...سيد)

مبسوطة  يا ستى ...اديكى خدتى بتارك
....بصراحة مش حاسة بطعم الفوز وانا شايفاك بالمنظر ده
..وانا.مالى يعنى؟ ما انا كويس اهو
... طب ايه رايك نتغدى سوا..
......لا معلش يا نورا خليها مرة تانيةبجد ما ليش نفس ولازم امشى 
...كاميليا بتردد...كريم ممكن اسألك سؤال...بس ما تعتبرهوش تدخل منى فى حياتك الشخصية
..اسألى
....انت فى حاجة بينك وبين كاميليا ؟
.امتعض كريم عندما ذكرت اسمها ورد بحنق
..اكيد لا مجرد مدير وموظفة عنده ..ولا هى قالتلك حاجة غير كده ؟
..لأ .قالت كده بردو بس اسمحلى ايه اللى يخلى مدير شركة يروح لموظفة عنده  البيت حتى لو عشان  يستفسر منها على حاجة فى الشغل يعنى كان ممكن يتصل تليفون ويسألها ايه داعى انه يروحلها لغاية عندها
...كريم بعصبية ...وانتى ايه اللى حشرك اصلا ما تخليكى فى حالك
.تلالات الدموع فى عينيها وهى ترد بحزن
عندك حق انا اسفة
.ظفر كريم بضيق
...معلش يا نورا انا اصلى مش فى المود خالص النهاردة عشان كده قلتلك انى لازم امشى .بعد اذنك
ناففت كامليا بعد ان ذهب
.نفسى اعرف ايه اللى فى دماغك
......................................

توقعت نورا ان كريم لن يرسل لها السائق مجددا وقد كان ما توقعته
.كريم بعصبية لاحد مرؤسييه
...ايه الزفت اللى انت رسمه ده .قطع الرسمة الى اشلاء صغيرة
..وانت ورينى اللى عملته
...ايه الارف ده انت كمان
كريم بغضب 
..ولا واحد فيكم شغله عليه الطلا ..وبصراحة اكتر شغلكم ما يليقش غير بمكان واحد
..القاهم بسلة المهملات ثم استطرد
..هو ده مكانهم المناسب ...وهقولها للكل اللى هيشوف شغله كويس هو بس اللى هيفضل معانا لكن اللى هيدلع ملوش مكان وسطينا .نطق جملته الاخيرة وهو ينظر الى نورا بغضب
..انسه كاميليا حصلينى على مكتبى
..دخلت نورا خلفه وعندما كانت على وشك الجلوس
..اظن انى مقلتلكيش تقعدى
..وقفت مرة اخرى
نظر لها بكره وهو يستطرد
...انا عايز اعرف انتى ازاى ليكى عين ترجعى الشركة تانى..انا قلت انى هاجى الاقى استقالتك على مكتبى بس الظاهر انك معندكيش دم  وبجحة
نورا بثقة..ومرجعش ليه ان شاء الله طالما مش مقصرة فى شغلى وبعمل كل اللى بيطلب منى بدون تهاون حضرتك ملكش انك تمشينى 
استطردت وهى تقترب منه و تنظر بداخل عينيه بتحدى
...واتمنى ان حضرتك تكون  بتقدر تفصل كويس بين الشغل والعلاقات الشخصية
كريم بتهكم ...ما شاء الله وهتعلمينى كمان ..طيب ماشى يبقى انتى اللى جبتيه لنفسك...اتفضلى جهزى نفسك فى ظرف ساعة من دلوقتى عشان رايحين شرم الشيخ
..ناععم شرم ..ايه
كريم بحدة ..ايه نعم دى يا انسه  انتى هتردحيلى
اتفضلى يله بسرعة  والكلام اللى ااقوله يتسمع
نورا فى سرها.استغفر الله العظيم
واقفة عندك بتعملى ايه.  ؟.روحى يله حضرى شنطتك والسواق هيعدى ياخدك من بيتك  واعملى حسابك اننا هنفضل يومين هناك

نورا باستكار يومين ليه؟ واشمعنى انا ؟ثم لنفسها ربنا يستر هو ناويلى على ايه؟
..
...مفيش حاجة اسمها اشمعنى طالما بتخص الشغل ولا لحستى   كلامك للى انتى  لسه قايلاه
....جزت نورا على اسنانها بغضب ..
لا طالما شغل يبقى ماشى
...اه طبعا شغل ...امال انتى فاكرة ايه .هو فى حاجة بينا اصلا غير الشغل ولا هتنسي نفسك يا سيد .. 
ظفرت بضيق _اللهم طولك يا روح   شكلى مش هقدر امسك نفسي عنه اكتر من كده  وهاخده مقص  اوقعه على بوزه
...اخلصى يله معندناش وقت
___________________
جلسا فى السيارة وكل منهما يتجنب الاخر وظلت نورا تنظر من نافذة السيارة بشرود حتى تتجنب النظر اليه..
ممكن تخلى السواق يفتح  سقف العربية
..كريم باقتضاب ...لأ
...الجو حر اوى انا كده هفطس
..افطسي
تمتمت بغيظ..يا باااى  غتيت اوى
_سمعتك على فكرة
لوت شفتيها باستهزاء -بمعنى ولا يهمنى
..كريم لنفسه..ماشى يا سيد اما ربيتك
___________
سمير بفرح...انتى متاكده يا نارين
...اه طبعا ما التحاليل فى ايدك اهى
حملها ودار بها فى سعادة
...انا مش مصدق نفسى .. اخيرا هيتحقق حلمى
...انت فرحان بجد يا سمير
..طبعا فرحان ودى فيها سؤال
...يعنى مستعد تتجوزنى وتقدمنى للناس كلها على انى مراتك وام ابنك
...وضع سمير كفه على جانب وجهها
...هتجوزك يا نارين بس ادينى شوية وقت امهد للموضوع ده مع اهلى  واشوف حكايتى مع باكينام كمان  هترسى على ايه