حبيبتى ....سيد

الفصل السابع والعشرون

بسم الله الرحمن الرحيم
وبه نستعين
الفصل السابع والعشرون

نورا بصدمة وذهول ..واللهى يا تيتة ما زقتها ولا عملتلها حاجة وهى اصلا مش حامل وبتضحك عليكم ..انا اول ما قلتل...
حملها سمير وهو يصرخ فى نورا بغضب مقاطعا كلامها ..اخرسى مش عايزة اسمع صوتك واللهى لو مراتى ولاابنى جرالهم حاجة بسببك ما هيكفينى فيكى  موتك
.ركض بها وهو يحملها بين ذراعيه  ثم وضعها بالسيارة فى الكنبة الخلفية وجلس بجانبها واضعا راسها على ركبتيه  ثم امر السائق ان ينطلق الى المشفى باقصى سرعة
نارين بوهن مصتنع
خليه يودينى على الدكتور بتاعى 
سمير باستنكار
..بس  المستشفى احسن وفيها امكانيات احسن
.تنهدت بضيق
لوسمحت يا سمير انا مش حمل مناهدة انا مبرتحش غير مع الدكتور بتاعى 
_خلاص ماشى اللى يريحك

ابتسمت بنصر وهى تتذكر ما حدث
كانت نارين تجلس على الارجوحة فى الحديقة عندما  داهمتها نورا
..ممكن اتكلم معاكى شوية،؟
نارين باستغراب..معايا انا ؟ اتفضلى
نورا مباغتة ..لعبتك اتكشفت خلاص يا نارين   واللى عملتيه فى الست الغلبانة دى مش هعديه بالساهل
..نارين باستنكار
  لعبة ايه؟ وست مين اللى بتتكلمى عنها دى؟
دادة ثناء.. اللى لما كشفتك وكشفت انك مش حامل اصلا وبتلعبى بالكل لفقتى لها تهمة وخلتيهم يطردوها
...بلعت نارين ريقها بتوتر ولم تنطق
... بصى انا مش حابة اذيكى عشان كده هديكى مهلة يومين يا تروحى تعترفى لجوزك بكل حاجة وترجعى الست الغلبانة دى لشغلها تانى  لاما انا اللى هفضحك قدام الكل والقرار عندك ثم تركتها وذهبت بعد ان امتقع وجهها بخوف
..اخرجت نارين هاتفها واتصلت باخيها
.الحقنى يا ايهاب .................
..ايهاب.بشر....اقلبى الترابيزة عليها 
.. تقصد ايه ؟
هفهمك.......
بعد مرور يومين
..رات نارين نورا وهى تصعد درجات السلم فاستوقفتها    
..
..نورا استنى
وقفت نورا وانتظرتها ..ها فكرتى فى اللى قولتهولك
..اها
..وقررتى ايه؟
.
تلفتت نارين  حولها وعندما تيقنت من عدم وجود احد  القت بنفسها  من فوق درجات السلم رويدا رويدا وسط  ذهول نورا وصدمتها  وعندما استقرت بالاسفل  بدأت بالصراخ واتهام نورا انها من دفعتها
...عودة
نارين لنفسها ..الغبية متعرفش انها قدمتلى خدمة وانى اصلا كنت بفكر ازاى اتخلص من موضوع الحمل ده قبل ما اتكشف ودلوقتى ضربت عصفورين بحجر واحد اتخلصت من كذبة الحمل ومن تهديدك ليا والكل جاب الحق عليكى
ولكن مهلا نارين
بسم الله الرحمن الرحيم
ويمكرون ويمكر الله والله خير الماكرين
صدق الله العظيم
..فى الفيلا
تجمع الجميع حول نورا يكيل لها الاتهامات بينما هى تقف مصدومة حزينة  مما تسمعه
  الى هذه الدرجة يظنون بها الوضاعة ..كيف لهم ان يتخيلوا مجرد تخيل انها قد تفعل مثل ذلك الفعل المشين  لقد فقدت ثقتهم بهافى لحظة واحدة او هى من الاساس لم تكن موجودة  فهى غريبة بالنسبة اليهم فقد تربت وكبرت بعيدا عنهم
..سامية ..ليه بس كده يا حبيبتى ناقصك ايه عنها عشان تفكرى تأذيها انتى كمان بكرة يبقى عندك طفل واتنين
..هناء بحدة  ...الغيرة والطمع يعملوا اكتر من كده .زيها زى حماتها واحدة عملت عمل لابنى عشان ميعرفش يخلف والتانية  عايزة  
تسقط مراته وتكمل اللى حماتها معرفتش تكمله