حبيبتى ....سيد

الفصل الثالث عشر

بسم الله الرحمن الرحيم
وبه نستعين
الفصل الثالث عشر .حبيبتى سيد

...دخل سمير على الجميع وبيده نارين
هناء باستغراب
مين دى يا سمير؟
..دى نارين مراتى وكلها كام شهر وهتبقى ام ابنى

..اتسعت عين الجميع بدهشة
هناء بفرحة..يعنى هى حامل ؟
.اومأ لها سمير برأسه بسعادة .ايوة يا امى حامل
.سامية ..ازاى يعنى اتجوزتها امتى وامتى بقت حامل..ومراتك عندها علم بالكلام ده
..اتجوزتها امتى من فترة طويلة بس النهاردة بس قررت اعلن جوازنا اما بالنسبة لباكينام فخلاص بح
مبقتش موجودة فى حياتى
كانت نوال على وشك فقدان وعيها من الصدمة بينما صاحت سامية بغضب
..بقى دى تصرفات ناس عاقلين ولاد اصول هى بنات الناس لعبة فى ايدك
تتجوز وتطلق وتخلف على كيفك ولا كأن ليك عيلة  تاخد رايهم .ترضى حد يتصرف كده مع اختك روان
..سمير بعصبية
انا اصلا كده كده مهما عملت مبعرفش ارضيكى لانك اصلا مش شايفة غير الغلط اللى فيا ..مش شايفة غير حفيدك الحيلة كريم اللى مفيش على الحجر غيره ومعتبراه ملاك ومبيغلطش بس خلاص بقى انا بطلت اهتم برايك فيا من زمان اوى .او حتى براى اى حد انا بعمل اللى فى دماغى وشايفه صح وبس وبعد اذنكم بقى عشان مراتى تعبانة من الحمل ولازم تطلع ترتاح
......
جلست نورا بين الزهور فى حديقة الفندق ومعها عدة الرسم وعلى ضوء القمر وسكون الليل بدأت تخط بيدها لوحة لهذا المنظر البديع التى يعجز اللسان عن وصفه
...شادى من خلفها ..احمم واضح ان مجلجيش نوم زيي
ابتسمت له ولم تعقب.. اهلا استاذ شادى
ايه الحلاوة دى والابداع ده كله انا فعلا اول ماشوفتك حسيت انك فنانة لا يمكن الرقة الجمال والذوق ده كله يطلعوا من واحدة مش فنانة
ابتسمت نورا ضاحكة وهى تفكر هل يا ترى اذا كان شاهدها بهيئتها القديمة سيكون هذا رايه ايضا
..مرسى على ذوقك
.. انا بتكلم جد جدا وقلتلك قبل كده انى مبعرفش اجامل. طب ايه رايك  انى هطلب من كريم يخليكى انتى اللى تصممى رسومات الكومباوند لان بصراحة لغاية دلوقتى مورنيش حاجة عدلة وحاسس ان الابداع كله هيطلع من تحت اناملك الذهبية دى
...نورا بذهول ...لا لايمكن .انا منفعش ده شغل مهندسين وانا مبفهمش فيه
.. دى حكاية سهله اوى وانا هساعدك واعلمك المهم الموهبة والذكاء وانا شايفهم موجودين عندك
... طب ممكن تدينى فرصة افكر
...خدى راحتك
..نهضت نورا وجمعت اشيائها
تصبح على خير اشوفك بكرة فى المعسكر
...وانتى من اهله
..
........
...اجتمع الجميع عدا كريم الذى اضطر لارسال اميل هام كما انه وجد رسالتين فى الحافظة احداهما صوتية من التحرى الخاص الذى كلفه بالبحث عن ابنه عمه المفقودة والتى اخبره فيها انه استطاع اختراق السيستم الرئيسى للسجل المدنى ووجد اربعة نساء يحملن نفس الاسم احداهما لاتصلح لانها طفلة صغيرة. وسيوافيه بمعلومات تفصيلية اكثر بعد التحرى عن الثلاث الاخريات والرسالة الاخرى رسالة مكتوبة من كاميليا الاصلية تقول فيها
حبيبى كريم
اعلم انك ستفاجئ بما ساخبرك به الان ولكن لم اعد استطيع كبت مشاعرى اكثر فأنا احببتك منذ اللحظة الاولى التى رايتك بها عندما انقذتنى من كارثة كبيرة كانت ستلحق بى على يد من اعتبرته  يوما ما اقرب الى من نفسى شعرت وقتها انك بطلى ..فارسى الذى اتى ممتطيا جواده لينتشلنى خلف ظهره ويحمينى من كل شرور العالم وكل مرة اراك فيها يتوطد بداخلى هذا الشعور حتى اصبح عشقك يملأ كل كيانى ولكنى لم اتجرأ ان اخبرك بذلك فى وجهك فقررت ارسال هذه الرسالة اليك ..
سمع كريم الرسالة بذهول واشفاق عليها لانه لايبادلها تلك المشاعر ولكنه قرر ان يخبرها بطريقة لطيفة عن مشاعره تجاهها  فالمواجهة فى مثل هذه الامور افضل شئ .حتى لا تظل تعيش فى الوهم لفترة كبيرة
.. وصل كريم الى مكان التقائهم متأخرا
قليلا .وابتسمت نورا عندما وقع نظرها عليه
..اسف يا جماعة اتاخرت عليكم
..شادى ..ولا يهمك اصلا مكناش مستينك
..كريم ..ابو غتاتة اهلك
المرشد...اول مسابقة معانا النهاردة هتبقى مسابقة الاعلام..اشار لهم على علم صغير فى يده
زى العلم اللى فى ايدى ده واللى هتلاقوه محطوط باماكن متفرقة على مسافة 3 كيلو من المكان هنا
..كان المكان شبية بغابة ملئ بالاشجار والمناظر الطبيعية الخلابة
.. الاعلام ملهاش اتجاه معين يعنى كل واحد هيروح من اتجاه واللى هيقدر يجمع اكبر مجموعة من الاعلام هو اللى هيبقى فايز باللعبة دى ..واتفضلوا
..نورا .وايه دى كمان
..دى ساعة او تقدروا تقولوا عليها بوصلة عشان تعرفكم طريق الرجوع واذا كنتو ماشيين صح ولا غلط.. هتدوسوا على الزرار اذا كنتوا ماشيين صح هتور بضوء اخضر اما اذا كان غلط فهتنور نور احمر
..جاهزين
..جاهزين
.اطلق المرشد صافرته ..يله انطلقوا
..
..________________