حبيبتى ....سيد

الفصل الثامن والعشرون

بسم الله الرحمن الرحيم
وبه نستعين
الفصل الثامن والعشرون

الحياة هى فخ كبير يقع فيه الغافل
_فالكل فيها يبحث عن السعادة مهما اختلفت الطرق
فى حقيقة الامر هناك انسان جيد وانسان سئ ولكن لا احد يستطيع الاعتراف انه سئ
فالجميع لديه مبرر لافعاله والجميع محق حسب اعتقاده
وقد تتسبب لنا الحياة بجروح لاتندمل بروحنا بعضنا يداوى هذه الجروح بالحب والغفران والبعض الاخر بالكره والانتقام

...نجوى وهى تضع الغطاء على نورا
.تصبحى على خير يا حبيبتى ..
..وانتى من اهله يا ماما ..يااا كان يوم طويل اوى مش مصدقة انه خلص
..رن جرس هاتفها
..لا واضح انه لسه مخلصش .مين اللى هيتصل بيا دلوقت
.
..نظرت نورا للشاشة بتعجب
..طنط شاهيناز
الو ..ازيك يا طنط اخبارك ايه
..شاهيناز ببكاء ..مش كويسة خالص
.ليه مالك
..انا عارفة انك انتى وكاميليا مقاطعين بعض بس عارفة كمان قد ايه انتى قلبك طيب ومش هتتخلى عنها فى وقت ضيقها لو هى محتاجالك
..نورا بقلق ..كاميليا مالها ياطنط قلقتينى
مش عارفة واللهى يا حبيبتى مش عايزة تحكيلى حاجة و قافلة على نفسها اوضتها من الصبح من غير لا اكل ولا شرب ونازلة تكسير فيها استطردت ببكاء
_انا خايفة تعمل فى نفسها حاجة
...متقلقيش يا طنط انا مسافة السكة وهكون عندك
..نجوى تروحى فين انتى عارفة الساعة كام دلوقت
وبعدين مش دى بردواللى قلتى انك قهرتك وذلتك
..نورا وهى ترتدى ملابسها
.معلش يا ماما الواحد وهو متعصب ومتضايق بيقول كلام كتير ومبيبقاش قاصد منه حاجة
..قبلتها من وجنتها وهى تردف
..متقلقيش عليا انا هاخد السواق معايا ومش هتأخر
..ابتسمت لها نجوى
روحى يا حبيبتى انا عارفاكى مش هتستريحى غير لما تشوفيها قدامك بخير ..ابتسمت لها بحنان وهى تودعها ..روحى يا حبيبتى ربنا يديكى على قد نيتك
___________________________
..طرقت نورا على باب غرفتها
كاميليا ممكن تفتحيلى .
كاميليا من الداخل بصراخ
..ايه اللى جابك هنا انا مش عايزاكى ولا عايزة اشوف وشك
. عارفة انك مش عايزة تشوفينى بس ارجوكى اسمعينى
احنا مكناش كده يا كاميليا ..احنا كنا اختين بجد
كنا بنحس بعض.. لو واحدة فينا اتألمت التانية كانت بتتالم لالمها .لو واحدة فينا شافت كابوس التانية كانت بتجرى عليها وتطمنها عمرنا ما خاصمنا بعض ولا زعلنا من بعض
.صحيح انا زعلت منك وخرجتك برا حياتى بس من جوايا كنت مشتاقلك مشتاقة لصاحبتى الوحيدة
اللى كنا على الحلوة والمرة سوا ..انا عارفة انك حبيتى كريم ومش بلوم عليكى لان الحب ده بيبقى حاجة خارجة عن ارادتنا مش بايدنا .. ياريت كنت اقدر ارجع الزمن لورا ومكنتش روحت قابلت كريم يمكن ساعتها مكنتش هكسبه بس مكنتش هخسرك وانا مش عايزة اخسرك يا كاميليا ..انا عايزة صاحبتى ترجعلى من تانى ياريت نصفى قلوبنا وننسى اى حاجة ممكن تفرقنا او تزعلنا من بعض
ركدت كاميليا خلف الباب وبكت تأثرا بكلمات نورا بينما استطردت نورا