حبيبتى ....سيد

الفصل الخامس والعشرون

بسم الله الرحمن الرحيم
وبه نستعين
الفصل الخامس والعشرون
...مالك يا نورا فى حاجة مضايقاكى ؟
ردت بتجهم ..لأ مفيش
حاوط كتفيها بيديه
..لا فى ..
استطرد بمزاح . جرى ايه يا حبيبتى ده احنا لسه مبقلناش كام ساعة متجوزين عشان تضربيلى البوز ده ولا بتدينى نبذة على اللى جاى عشان اخد مناعة هههه
..مازالت متجهمة
..لا بقى ده الموضوع بجد وجدانى
_كريم بطل هزار
..طرقت سعدية الباب ...الغداء جاهز يا استاذ كريم
..طب يلة ننزل نتغدى وبعدين نبقى نشوف موضوع البوز ده
...ماليش نفش
..كريم بحدة وقد بدأ يفقد اعصابة
..ماهو ياتقوليلى فى ايه ؟ يا تفكيلى ام البوز اللى ضرباه فى وشى ده...وخلى بالك من اولها انا ماليش فى جو لو كنت مهتم كنت عرفت لوحدك.. اعتبرينى غبى ومبفهمش
...مين سلمى دى يا كريم ؟ وليه انا معنديش خبر عنها قبل كده؟
اتسعت عينيه بصدمة وامتعض وجهه بتوتر
........................
اخرج شادى صورة لنورا من تابلوه سيارته وهى ترسم كان قد التقطها لها اثناء وجودها بمنزله
..ممكن اتكلم معاكى كلمتين .اصلى مش عارف اتكلم مع صاحبتك
وحشتينى اوى يا نورا مش متخيل يوم يعدى عليا من غير ما اشوفك او اسمع صوتك
صدقنى محدش كان هيحبك ويخاف عليكى قدى انا كنت عايز احميكى منه
..كريم هيدمرك ويقضى عليكى زى ما دمر سلمى بس انا لا يمكن هسمحله يعمل فيكى كده
.انا مش عارف امتى حبيتك..ولا امتى بقيتى مهمة اوى عندى للدرجادى ..يمكن كنت بادئ الحكاية تحدى وانتقام بس اتغلغلتى جوايا شويا شويا ومبقتش ااقدر استغنى عنك ..انا مكنتش متخيل انك هتتخلى عنى كده بمنتهى البساطة بس متخافيش كلها شوية صغيرة وهنبقى مع بعض للأبد
____________________
الجمته الصدمة لبعض الوقت ثم تحدث بصوت متوتر
وانتى تعرفى سلمى منين ؟
من دى فتحت راحة يدها بالعلبة القطيفة الصغيرة بداخلها
برقت عينيه ولم يتحدث .ثم تركها ودلف الى الشرفة لشعوره بنقص الاكسجين فجأه فى الغرفة فدلفت خلفه
..للدرجادى كنت بتحبها
.اخذ نفس عميق ثم تطلع عليها
..نورا ..سلمى دى كانت حاجة من الماضى وخلاص انتهت وراحت لحالها لكن انتى الحاضر والمستقبل
نورا بحزن _مش باين انها من الماضى مادام لسه محتفظ بدبلتها
انا مش محتفظ بيها ولا حاجة انا بس مجتش هنا من اكتر من خمس سنين من وقت ......
..وقت ايه ؟

ضرب سور الشرفه بقبضة يده وردد بحدة
.انتى ليه مصممة تنبشى فى الماضى وتفكرينى بحاجات انا مصدقت انى اتخطيتها مش مكفيكى انى جنبك دلوقت مش مكفيكى اعترافى ليكى انى بحبك ..عايزة ايه تانى

..نورا بغضب وهى تتركه لتذهب ..مش عايزة حاجة
امسك ذراعها يمنعها من الذهاب
.استنى ...ماشى انا هحكيلك كل حاجة

______________
الحقنى يا سمير الاسورة الالماظ بتاعتى مش لاقيها
.. دوري انتى بس عليها شوية وانتى هتلاقيها
.دورت يا سمير دورت كتير ومش لاقياها
..يعنى ايه هتكون راحت فين يعنى
..مفيش غير دادة ثناء محدش بيدخل اوضتنا غيرها واكيد هى اللى اخدتها ..ركضت بسرعة وفتحت باب الغرفة
.وصرخت بعلو صوتها .انتى يا زفته يا اللى اسمك ثناء
تجمع جميع من بالفيلا على صوتها
سامية فى ايه يا بنتى بتزعقى ليه
.نارين ببكاء مصتنع .الاسورة بتاعتى اتسرقت يا تيتة
.ثناء ..نعم يا هانم حضرتك عايزانى
امسكتها نارين من تلابيبها
..طلعى يا حرامية الاسورة بتاعتى
..ثناء بصدمة ..اسورة ايه يا هانم واللهى ما شوفت حاجة
..سامية ..دورى عليها كويس يا بنتى استحالة ثناء تمد ايدها على حاجة دى معانا بقالها 20 سنة وعمرنا ما شوفنا عليها حاجة زى كده
نوال مظبوط يا ماما ده احنا بنرمى كل حاجاتنا ومجوهراتنا قدامها ..وعمرها ما مدت ايدها على حاجة
..سمير.بسخرية ..يعنى نارين هتتبلى عليها ليه فى بينها وبينها تار مثلا
..ثناء ببكاء
.. انا مستعدة اتفتش قدامكم ولو لاقيتى حاجة معايا هرضى باى حكم تحكموا عليا بيه
..والنبى ايه ..هتعمليلهم عليا ولا ايه ما انتى اكيد خبتيهم فى حته
انا لازم انزل افتش الاوضة بتاعتها يا سمير
طبعا ياروحى فتشى براحتك نظر لثناء بتوعد
وياويلك لو كنتى انتى اللى خدتيها مش هحترم سنك ولا انك واحدة ست وهوريكى وشى التانى اللى عمرك ما شوفتيه
..سامية ..عيب كده يا ولاد ما يصحش اللى بتعملوه ده دى مهما كان ست كبيرة وعشرة عمر معانا
..
.نارين ..اوعدكم كلكم انى اعتذرلها بنفسي لو كنت ظالماها بس ده ميمنعش ان احنا نفتش اوضتها
..دلفوا جميعا الى غرفة ثناء فى بدروم الفيلا وكل منهما يبحث بمكان وبعد قليلا من الوقت وجد سمير الاسورة اسفل مرتبة الفراش
..سمير..يابنت الحرامية ..صفعها بقوة اوقعتها على الارض
نارين بتشفى ...مش قلتلكم محدش خدها غيرها
..وضعت ثناء يدها على وجنتها وهى تبكى
..واللهى ماخدت حاجة ومش عارفة ايه اللى جابها فى اوضتى
سامية..مكنتش متوقعة كده منك ابدا يا ثناء بعد العشرة الطويلة اللى بنا
...توجهت ثناء اليها وهى تزحف وقبلت يدها
..ابوس ايديك يا حاجة سامية تصدقينى انا مخدش حاجة واللهى العظيم مخدت حاجة .انا مظلومة
امسكها سمير من شعرها وانهضها
..شغل المسكنة ده مش علينا ..
هناء ..بلغ البوليس يا سمير
ثناء..لا والنبى بوليس لأ
سامية
..لا يا جماعة موصلتش للدرجادى دى بردو خدمتنا سنين كتير و كانت واحدة مننا
نارين ..تلمى هدومك دلوقتى حالا وتفرقينا .ولو شوفت وشك هنا تانى يبقى انتى اللى جنيتى على نفسك. فاهمة