حبيبتى ....سيد

الفصل الخامس

ابسم الله الرحمن الرحيم
وبه نستعين

الفصل الخامس ..حبيبتى ..سيد

اخذ سمير نورا على بيتها الجديد والذى كان عبارة عن شقة مفروشة فاخرة كاملة الاثاث انبهرت بها نورا وبعد قليل جاءت مصممة الازياء ومعها خبير التجميل ومصفف الشعر
عرضت عليها مصممة الازياء العديد من الملابس والتى تعنتت نورا فى البداية على ارتداءهم ورفضت  تغيير نمطها  واستايلها التى تعودت عليه لكن عندما نظرت لنفسها بالمراءة خاصة بعد ما وضع خبير التجميل لمساته السحرية على وجهها وقصت شعرها انبهرت بنفسها بالمراءة
..مين دى ..دى انا
.ضحك عليها الجميع
.خبير التجميل...انتى اصلا كنتى حلوة بس بحاجة انك تبينى  الجمال ده وتبروزية زى مثلا حتة جوهرة مدفونة فى وسط الطين عايزة اللى ينتشلها وينضفها عشان ترجع تبرق وتلمع من جديد وده اللى عملناه معاكى
سعدت نورا كثيرا بمظهرها الجديد التى اكسبها ثقة بنفسها وشعرت انها بحق جميلة
وما ان رآها سمير حتى شهق باعجاب
...واو....اقترب منها وهو يصفر باعجاب معقول انتى نفس البنت المسترجلة اللى شوفتها من يومين حقيقى المثل اللى قال لبس البوصة تبقى عروسة
نورا بامتعاض..متحسن ملافظك يا نيلة انت ده حتى  الملافظ سعد 
يخربيت لسانك ده هيودينا فى داهية عايز يتنقع فى ماية كلور عشان يتعدل وينضف  كله اتغير فيكى لكن من برا بس و بمجرد ماتنطقى الصورة كلها بتقع 
_نورا بتأفف _والله ده اللى عندى واذا كان عاجب
جذبها لتجلس بجانبه
.تعالى اقعدى بس .يعنى انتى  بذمتك  منفسكيش تبقى بنت جذابة   والناس كلها تعجب  بستايلك  واناقتك ولباقتك كمان فى الحديث
يعنى  انا كنت وحشة   ؟
..مش وحشة بس كنتى محتاجة شوية تعديل
...نورا بغضب..انتوا بس اللى عالم بتجروا ورا المظاهر والحاجات الفاضية دى
سمير باستنكار...بس متنكريش ان شكل الواحد بيأثر كتير على حالته النفسية وبيديله ثقة فى نفسه
كلامه صحيح فبالفعل كانت تشعر بشعور افضل تجاه نفسها منذ ان تطلعت على هيئتها بالمراءه.
ده كله بقى بيكمله اناقتك واسلوبك فى الكلام والاكل .بس متخافيش كل ده هتعلمهولك خبيرة الاتيكيت اللى هتجيلك بعد شوية

...نورا باستنكار..ودى لازمتها ايه رخرى
__دى اهم حاجة ...لانك اكيد هتحضرى اجتماعات مهمة فى الشركة وبعضها هيكون غداء او عشاء عمل مع ناس مهمة جدا وخصوصا ان شغلك كله فى الترجمة ولازم تكونى بتعرفى تقعدى وبتعرفى تاكلى بالشوكة والسكينة الخ هى حاجات بسيطة بس مهمة
اومأت له برأسها بتفهم
نظر فى ساعته  انا مضطر امشى دلوقتى وهنبقى على اتصال .سلام

_____________
هناء ..الفستان يجنن عليكى يا عروسة ابنى يا قمر
..باكينام...مرسي يا طنط
..نوال ..اللهى يولع بيكى وانتى لابساه يا بعيدة
..هناء ..ايه رايك يا نوال
..نوال بامتعاض ..حلو..بس مش كفاية بقى مشاوير لحد كده رجليا وجعتنى
...باكينام ..كفاية ايه يا طنط ده لسه فى حاجات كتير مجبنهاش
..يبقى معلش بقى ياروح طنط انا هروح انا وانتى خليكى مع طنطك  هناء انا معنديش صحة للف ده كله
..هناء بابتسامة صفراء
...خلاص روحى انتى يا نوال معلش السن له حكمه بردو
..تاهبت لها نوال
.نعم ياختى سن ايه اللى بتتكلمى عنه اش حال ان الفرق بينا سنتين اتنين
....ده اللى انتى بتقنعى الكل  بيه لكن الحقيقة بقى
....الله اعلم بيها
الله ما طولك يا روح انا ماشية قبل ما اصورلى قتيل هنا
تمتمت لنفسها وهى تذهب
.. ماشى يا هناء بكره تشوفى انا هعمل فيكى ايه انتى و ابنك
..هناء للبائعة ..تمام بس ياريت تشوفيلنا عليه بادى حلو كده على ذوقك