حبيبتى ....سيد

الفصل السادس عشر

بسم الله الرحمن الرحيم
وبه نستعين
الفصل السادس عشر

رحب  الجميع بعودة سامية للمنزل.وتمنى لها دوام الصحة والعافية
عدا سمير الذى انفجر بكريم صائحا به فور رؤيته ولم يلتفت لحالة جدته التى خرجت لتوها   من المشفى 
...ايه اللى انت هببته ده يا  بيه
كريم بتصنع عدم الفهم .عملت ايه؟
  ازاى تعمل حفل توقيع لمشروع بالضخامة دى يحضره كل موظفين المجموعة واكون انا اخر من يعلم ولا اكنى عضو من اعضاء مجلس الادارة
كريم بلهجة جادة حاسمة
سمير ده لا وقته ولا مكانه تيتا تعبانة ولازم تطلع ترتاح وياريت بعد كده نخلى مواضيع الشغل جوا الشركة -بعد اذنك
 لوى  سمير فمه متهكما  وهو يتطلع فى اثره بنظرة ماكرة 

...هههه _الغبى مفكر  انه كده بيعاقبنى   ما  يعرفش انى سابقه بخطوة وانه بينفذ بس اللى انا عايزه ومخططله ..ههههه
فلاش باك
شادى...ماتخافش هيمضى على اللى احنا عايزينه اساسا هيجى الحفلة زى اللى مخبوط على دماغه مش داريان باى حاجة
سمير... بس  المرة دى  نسبتى محفوظة 
..واللهى لو فى نفذت المرة دى
صح هتاخد اللى انت عايزه ..
..ما خلاص بقى يا شادى هتقعد تزلنى كل شوية قلتلك المرة اللى فاتت معرفش نفد ازاى بالصفقة محظوظ ابن الايه
وبعدين انت اللى صممت نخلى نورا هى اللى تسرق الاوراق من مكتبه مع انى قلتلك انى معنديش ثقة فيها
..خلاص اللى حصل حصل المهم اللى جاى

باك

ما ان دخل كريم غرفته حتى وضع هاتفه على الشاحن واستلقى على فراشه بتعب دون ان يخلع ملابسه  وفى خلال ثوانى كان قد استسلم للنوم من كثرة الارهاق وقلة نومه بالايام   السابقة
_ 

_________________
ها ايه رايكم فى العذبة
..نجوى _جميلة جدا فعلا انا مكنتش متخيلة ان الفيوم حلوة كده 

الحارس .حمدالله على السلامة يا شادى بيه
.الله يسلمك يا صالح ..خد الشنط بتاعة الهوانم طلعها على اوضة الضيوف وخلى ام عبده تحضرلنا الغدا وعرفها ان عندنا ضيوف
_حاضر يا بيه
اشار على بقعة معينة فى الحديقة
......ايه رايك يا نورا انا عارف انك بتحبى الرسم عشان كده جهزتلك  المكان ده وكمان عدة الرسم  __واظن مفيش احسن من المناظر الطبيعية اللى هنا عشان ترسميها
....لا رد
نجوى.. انت عايش هنا لوحدك يا شادى
...نظرة حزينة سيطرت عليه
..  لغاية من سنتين فاتوا كانت والدتى واختى  عايشين  هنا وانا وبابا كنا بنيجى فى الاجازات بس بعد ما اختى حصلها حادث واتوفت
امى فضلت انها تسيب هنا خالص وتستقر فى القاهرة  ومن ساعتها محدش منا بيجى  هنا غير على فترات بعيدة
.. البقية فى حياتك تعيش وتفتكر يا حبيبى
...اتفضلوا معايا افرجكم على اوضتكم.. البيت هنا مليان  خدامين يعنى ارتاحوا على الاخر واعتبروها فترة استجمام
..  وانا هبقى جمبكم هنا فى الملحق اللى فى الجنينة ...لو احتجتم اى حاجة

_______________

نهض كريم من قيلولته واخذ حمام بارد لينعش به نفسه وبدل ملابسه ثم تناول هاتفه من اعلى الكومود وقد اتم شحنه  ثم بحث عن الرسالة والصورةالتى ارسلها له التحرى ...وما ان فتحها حتى اتسعت  عيناه بصدمة وردد  بذهول وهو يمسح على شعره
...لأ ...مش معقول ..ده  جنان.... جنان  .طب ازاى
نورا .انا عملت ايه ؟
تناول مفاتيحه و خرج من الفيلا كالمجنون وساق سيارته باقصى سرعة حتى وصل اسفل عقارها
...لم  ينتظر المصعد  بل ركض على السلم   حتى وصل امام شقتها وضع يده على جرس الباب يدقه  بالحاح  تارة  و يطرق الباب بعنف تارة  ولكن ما من مجيب
خرجت احد ى جارتهم على الصوت..مفيش حد هنا مشيوا من شوية
_كريم بغضب .مشيوا راحوا فين
_الله اعلم يابنى بس بعد ما  الانسة نورا تعبت والاسعاف خدتها تانى يوم  جم خدوا شنطهم  والست نجوى قالت انهم  مسافرين عند ناس قرايبهم
كريم بقلق ظاهر..تعبت ازاى ومستشفى ايه .طب مسبوش نمرة تليفون او عنوان
_..لا واللهى يابنى
كريم بحزن ..متشكر اوى ثم ذهب مطأطأ الرأس
________________
عاد الى الفيلا بيأس والقى نفسه على اقدام جدته المستلقيه على الفراش يردد بندم جلى
ا_انا اسف يا تيتة انا السبب انا اللى حرمتك منها للمرة التانية
انا اللى اهانتها وذليتها قدام الكل  وخليتها تمشى وهى مش شايفة قدامها ؛ دخلت المستشفى بسببى ودلوقتى مش عارف طريقها فين سابتلى الدنيا  بحالها ومشيت
_.هى مين ياحبيبى ؟
؛هى جرحتنى صحيح بس انا مكنش لازم افضحها قدام الكل كده
..نجوى بعدم فهم ..اهدى يا حبيبى وفهمنى فى ايه بالراحة انت بتتكلم عن مين ومين دى اللى دخلت المستشفى بسببك
..روى لها كريم ما حدث منذ تعرف على نورا الى الان
...سامية...يعنى نورهان حفيدتى هى نفس البنت اللى سمير كان بيتكلم عليها وبيقول انها خدعتك
..ا ومأ لها برأسه بايجاب
  ...وهى راحت فين دلوقتى؟
جارتهم  بتقول انها تعبت من يومين   .استطرد بالم يعنى يوم الحفلة والاسعاف جت خادتها وبعدين جه واحد قريبهم وخدها هى والدتها بشنطة هدومهم ومحدش عارف راحوا فين