حبيبتى ....سيد

الفصل الحادى عشر

بسم الله الرحمن الرحيم
وبه نستعين
الفصل الحادى عشر
حبيبتى ..سيد
اشار لها سمير  ان تلحقه على مكتبه فنفذت طلبه  على الفور وهى لا تعلم سببا لغضبه الظاهر جليا على ملامحه   فعلى حسب ظنها يجب ان يكون على العكس من ذلك فهاهى  شركتهم  قد فازت  بالمناقصة  كما كان يود
..ما ان دخلت خلفه حتى اغلق الباب وقبل ان تعى او تفهم شئ    امسك ذراعها بقوة   ثم هدر بها بصوت جهورى
...عايزك تفهمينى دلوقتى حالا ازاى كريم قدر يفوز بالمناقصة ...  اوعى تكونى يابت انتى بتستغفلينى وبتلعبى معاه ضدى ..لأ يا ماما فوقى مش سمير اللى يتعمل فيه كده.. ده انا ادفنك مكان مانتى وقفة واخد عزاكى كمان
....نفضت نورا ذراعها منه وقد بدأت تستوعب ما يحدث
..يعنى كنت بتكدب عليا لما قلت انه عايز يدمر الشركة و انك عايز تحميه من نفسه وتحمى  الشركة منه .وطلعت انت فى الاخر اللى عايز تخرب الشركة مش هو ..استطردت بنبرة حزينة
وللاسف انا مشيت وراك و ساعدك بكل غباء 
اردفت بتصميم
....بس خلاص مش ممكن اخليك تستغلنى اكتر من كده وهطلع دلوقتى على كريم واحكيله على كل حاجة خليه يعرفك على حقيقتك وياخد حذره منك
...
سمير بسخرية ...هههه تمام روحى احكى لكريم كل حاجة بس متنسيش تحكيله  ازاى انتى وصاحبتك استغفلتوه وكدبتوا عليه وازاى دخلتى مكتبه من وراه وصورتيلى ملف مهم زى ده .
فتح لها رسالة  صوتية لها على هاتفه
..ايوة يا سمير بيه ..انا قدرت ادخل مكتب كريم بيه وفتحت الدرج  بالمفتاح اللى ادتهولى والصور بقت معايا وهبعتهالك دلوقتى
...سمير بابتسامة ماكرة
..ايه رايك بقى ؟
..صمتت نورا لبعض الوقت وكأنها تستوعب ما يحدث ثم اطلقت اخر محاولة منها للتظاهر بالثبات
...مش هستسلم لتهديداتك تانى وهعترف لكريم بكل حاجة حتى لو كان المقابل انى اخسره للابد
...سمير ببرود وهو يفتح لها باب مكتبه على مصراعية
.روحى قوليله مستنية ايه ..بس احب الفت نظرك لحاجة يمكن تكون غايبة عنك تقدرى تقوليلى هتدفعى ايجار الشقة اللى انتى  والدتك قاعدين مبرتعين فيها دى منين  لان   كريم  اكيد هيرفدك من الشغل وده ااقل واجب   ده غير مصاريف الجامعة والكتب الخ 
وبالتأكيد الست الوالدة  هتضطر ترجع شغلتها القديمة ومش بعيد المرادى تاخدك معاها تمسكيلها الصاجات
ههههه.هههه .يااا منظركم هيبقى تحفة.. نعيمة الماظية وبنتها زوزو
..نورا ببكاء
..انت ايه يااخى  شيطان

استطردت باستسلام
..طب خلاص انا مش هقول حاجة  لكريم  بس ارجوك تسبنى فى حالى و متطلبش منى حاجة تانى تأذيه
.... اردفت بحزن
انا اصلا من ساعة  ما رفضت طلبه للزواج   وهو زعلان منى و مش طايقنى وبيعاملنى معاملة وحشة  حتى الضحكة بطل يضحكها فى وشى  
...
.سمير بتهكم ...اممم ياعينى  صعبتى عليا اوى شكل السحر اتقلب على الساحر  ووقعتى في حبه ياقطة  بس انا لسه مقررتش انى احررك لانى بصراحة صرفت عليكى فلوس كتير اوى ولازم تعملى بيها يعنى لو مش هتقدرى تتجسسي عليه وتنقليلى اخباره .. ممكن استفاد منك بطريقة تانية
بدأت ينظر اليها نظرات وقحة تخترق جسدها
.فما كان منها سوى انها تصفعه بقوة .