حبيبتى ....سيد

الفصل الرابع عشر

.
بسم الله الرحمن الرحيم
وبه نستعين
الفصل الرابع عشر ..

وقف الجميع  بانتظار خروج الطبيب  بقلق
وحين خرج اخيرا ركض عليه الجميع

فهمى ..خير يا دكتور  امى عاملة ايه دلوقت
..مخبيش عليكم دى  جلطة  قلبية  ... بس الحمد لله انكم جبتوها على المستشفى بسرعة ولحقناها
بس من هنا ورايح  لازم تاخدوا بالكم منها ومن صحتها اكتر   وعلى قد ما تقدروا توفرولها جو هادى بعيد عن التوتر والعصبية
وخلوها تاخد دواء الضغط فى ميعاده 
ثم استطرد بتحذير ... خلوا بالكم  النوبة دى لا قدر الله لو جاتلها تانى هتبقى اشد ويمكن ساعتها منعرفش نلحقها
..كمال ..حاضر يا دكتور اوامراك كلها هتتنفذ بالملى
...فهمى ...انا هحاول اكلم كريم تانى يمكن المرة دى يرد عليا ..اكيد هتتبسط لما تشوفوا
..هناء متتعبش نفسك موبايله لسه مقفول
______________

...

..ايهاب ..فى ايه يا زفتة انتى كل ما اكلمك بتقفلى عليا ماتتكلمى معايا عدل
...مش وقته يا ايهاب  الدنيا هنا كانت قايمة حريقة  . وجدة سمير طبت من طولها وانا بكلمك دلوقت من المستشفى
._.ليه ايه اللى حصل؟
روت له ماحدث
ايهاب بتهكم ._هههه يعنى طلعوا الناس الاغنياء اللى بيقولوا عليهم كريمة المجتمع  ليهم  فى اعمال السحر والحاجات الهبلة  دى   
..اسكت يا ايهاب دول طلعوا من برة هالله هالله ومن جوا يعلم الله
_المهم دلوقتى ... الواد رضا التمرجى بيقولى ان الدكتور اللى هو شغال عنده سافر يحضر مؤتمر برة وهيقعد هناك شهرين والعيادة هتبقى فاضية . يعنى ممكن تاخدى سمير وتروحى فى اى وقت ..بس طبعا عايز قرشين تحت الحساب
..فلوس تانى ارحمنى يا ايهاب ده لو كان بنك كان شطب
_+.يعنى انتى بتدفعى حاجة من جيبك ما كله من البنك اللى وقعتى عليه واللى انا وافكارى النيرة كنت السبب فيه..فقصرى وهاتى من الاخر لا طربق  الليلة باللى فيها على دماغك
...خلاص خلاص  انت ما بتصدق  عايز كام؟
يعنى مش كتير 5000 جنيه بس
__يا نهار اسود ودول هطلبهم منه ازاى  واديك شايف الظروف اللى هما فيها
..مليش فيه اتصرفى ادلعى عليه ؛حايليه
المهم الفلوس تكون عندى بالكتير اوى بعد يومين
.طب اقفل دلوقتى شكلهم خدوا بالهم منى وبيبصوا ناحيتى  .. سلام.
____________________

يجلس  بمكان مظلم يدخن بشراهه  وامامه مطفأة السجائر التى امتلئت لاخرها ومع ذلك لم يمنعه ذلك من اشعال  اخرى وهو ينفث دخانها بغضب ويتطلع بشاشة اللاب
 
... لا يعلم من ارسل اليه تلك المشاهد ولكنه يبدو انه شخص على مقربة منه وعلى دراية  بكل تحركاته
..وكل ما يحدث معه شك فى بادئ الامر بسمير و لكن صوت الضحكات فى بداية الcd ليس صوته وايضا الرسالة التى ارسلت معه صرفت نظره نهائيا عن سمير فهو لا يعرف علاقته بسلمى فقد كان خارج البلاد بذاك الوقت ..

تطلع مرة اخرى على الشاشة ثم اخذ شهيق حاد وزفره ببطئ و يده تتخلل خصلات شعره الكثيف  بغيظ  وهو يتوعد للجميع  واولهم هى .
  فقد وضعوه موضع  المغفل لوقت طويل وآن الاوان لينتقم لكبريائه الجريح..
انتفخت اوداجه من الغضب وكلام سمير له يتردد فى ذهنه مرارا وتكرارا