حبيبتى ....سيد

الفصل العاشر

بسم الله الرحمن الرحيم
وبه نستعين.
الفصل العاشر حبيبتى...سيد

كاميليا....اخص عليكى يا نورا اسبوع بحاله لااسمع صوتك ولا اشوفك ولا كانى الانتيم بتاعتك انتى لاقيتى صاحبة غيرى ولا ايه يا بت
..غصب عنى والله يا كاميليا
..بصحى من صباحية ربنا على الشغل لغاية اخر النهار وبرجع مهدودة يا دوب اكل لقمة وانام وهو ده بقى ملخص حياتى يوميا
..اخيي دى حياة مملة بشكل .
شوفتى بقى
.بس انا نفسي اقعد معاكى عندى حكاوى كتير نفسى احكيهالك
.نورا _طب ما تحكى ياختى حد ماسكك
..لا مش هينفع فى التليفون ..ادينى العنوان وانا ها بقى اجيلك
..ماشى ..العنوان هو .......
__________

عاد كريم بوقت متأخر من الليل بعد سهرته مع اصدقأئه ليجد ضوء غرفة جدته مضاء طرق على الباب ودخل
..مساء الخير يا تيتة
..يسعد مساك ياحبيبى ..عامل ايه فى الشغل
..الحمد لله اتاقلمت بسرعة على الجو ولا قيت ان الموضوع سلس ولطيف مش زى ما كنت متوقع ..بس مش بعوايدك يعنى تسهرى للوقت ده يا تيتة
كان امامها عدة البومات صور
..تنهدت بحرارة
قاعدة بشوف ذكرياتى والناس اللى راحوا خلاص يابنى مبقاش فى العمر قد اللى راح ..ومعدتش فضلى غير الذكريات
.قبل كريم يدها .ربنا يخليكى لينا يا تيتة
سامية بضحكة وهى تطلع باحدى الصور
فاكر الصورة دى ياكريم
ههه ههه.طب وليه الفضايح دى بس
كانت الصورة لكريم وهو رضيع ولا يرتدى شئ من الثياب
..هههه ههه.وقتها عملتها على جدك وهو بيصورك ..راح رميك لامك وقلك اخص عليك الله يلعنك
...هههه ههه
لاحظ كريم صورة رضيع اخر
.ودى صورة مين ياتيتة اول مرة اشوفها
سامية بتردد
..دى دى نورهان
نورهان مين؟
..دى حكاية طويلة بلا ما صدعلك راسك بيها

..انتى عايزة تنامى؟ .اصل.انا بصراحة مش جايلى نوم وحاسس انى مش هعرف انام الليلة من اصله
..وليه يا حبيبى مش هتعرف تنام فى حاجة مضايقاك؟
..ظفر كريم بتوتر
..بكرة فتح المظاريف فى المناقصة اللى حكتلك عنها
.ودى اول مناقصة ليا وكمان دخلها لوحدى وبصراحة هتفرق معايا اوى يعنى لو كسبتها هحس انى حطيت رجلى صح على اول الطريق
..ربنا يوفقك يا حبيبى .ان شاء الله هتكسب وتيجى تبشرنى
..طب يلة بقى احكيلى اى حكاية نورهان دى
_نورهان دى تبقى بنت عمك عادل الله يرحمه
كريم باستغراب
..اول مرة اعرف ان عمى عادل كان عنده بنت تانية غير نيرة...هو عمى عادل كان متجوز واحدة تانية غير طنط فردوس الله يرحمها؟
...عمك عادل الله يرحمه وهو شاب صغير كان غاوى يروح موالد ويزور اضرحة اولياء الله الصالحين ولفتت نظره بنت غازية اسمها نجوى كانت بترقص فى واحد من الموالد دى وعجبته اوى وهى كمان حبته اوى والشهادة لله رفضت تسلمه نفسها الا بالحلال وفعلا اتجوزها بس طبعا الكلام ده وصل لجدك وقوم الدنيا حريقة
..فى الاول راح خد القسيمة من المأذون وقطعها وبعدين راح لهم هو ورجالته على الشالية اللى كانوا فيه واخد عمك من فرشته يوم الصباحية وهدد البنية انها لو فكرت بس تقرب من عادل مرة تانية هيدفنها وهى صاحية وملهاش عنده دية...بعدها طلب من عمك يسافر يكمل تعليمه بره وهو من خوفه عليها لانه عارف قسوة جدك وجبروته وافق يسافر
.كريم بذهول
.يااا يا تيتة انا كنت عارف ان جدى عصبى وقاسى شوية بس متوقعتش للدرجادى ..طب وقصتهم خلصت بقى على كده