بسم الله الرحمن الرحيم
وبه نستعين
الفصل الخامس عشر ..(حبيبتى سيد)
أحيانا لا نبحث فى القلوب عن الحب بل نبحث عن مساحة صادقة لا اكثر
نزار قبانى
كان يتقلب يمينا ويسارا لا يغمض له جفن
وكيف السبيل الى ذلك ؟
وبكاء نورا ونظراتها الحزينة لا تفارق مخيلته وتمزق نياط قلبه
قلبه.كنت قاسى اوى عليها
عقله..انت لسه بتتأثر بالشويتين دول دى واحدة كدابة وكمان حرامية وتستاهل اللى عملته فيها واكتر
قلبه...بس انا حاسس انها مظلومة
عقله...ولا مظلومة ولا حاجة انت بس اللى عبيط وطيب زيادة عن اللزوم .
وبين رغبة القلب وتعنت العقل كان يتمزق داخليا
فتح هاتفه الذى اغلقه متعمدا الايام السابقة فوجد اكثر من 50 مكالمة فائتة .معظمها من عائلته
..تردد قليلا ولكنه حسم امره فربما كان امر ا هام
..الو ....ايوة يا بابا اخباركم ايه؟ ايه الاتصالات دى كلها ؟
والده بحده ...انت فين يا واد انت ؟ بقى كده تاخد فى وشك وتختفى من غير ما تطمنا عليك لأ وكمان تقفل موبايلك
..اسف يا بابا كنت محتاج اختلى بنفسى شوية
.. .جدتك فى المستشفى يا استاذ وقعت من طولها من ساعة ما انت مشيت وعمالة تسأل عليك ومش عارفين نقولها ايه
..كريم بفزع ..وهى كويسة دلوقت . انتو فى اى مستشفى _ انا جاى حالا
...........................
..
نجوى بعصبية ...يعنى ايه مش هدخلوها ..البنت بتموت قدامكم وانتوا مفيش فى قلوبكم رحمة ... .اتقوا ربنا فى الناس بقى انتوا ملايكة الرحمة انتوا
عامل الاستقبال ...كنتى توديها مستشفى حكومى..ايه اللى خلاكى جبتيها على هنا؛ ده ايه الهم ده على الصبح
....نجوى برجاء ...طب دخلوها دلوقتى وانا هبقى ادبرلكم الفلوس فى ااقرب وقت ربنا يخليك يابنى اعتبر ها اختك
...ما ينفعش حضرتك دى سياسة المستشفى يا تدفعى الفلوس دلوقتى يا تاخديها وتمشى من هنا مش ناقصين قرف احنا
صوت كالرعد من خلف نجوى
....مطلوب كام يازفت اخلص ..كان هذا صوت شادى
التفتت نجوى للشخص الواقف خلفها
انتفض الراجل بخوف من صوته وهيئته القوية الصارمة ...2000جنية تامين دخول حضرتك
اخرج من حافظة نقوده المبلغ بكل بساطة والقاهم بوجهه ثم امسكه من تلابيبه
..بعد كده ابقى اتكلم مع الناس كويس ثم دفعه على الكرسي خلفه
_تحت امرك يافندم
التفت الى نورا
القابعة بلا حركة على حمالة المرضى جاحظة العينين وكأنها بعالم اخر
.. الف سلامة عليكى يانورا .ان شاء الله هتقومى بالسلامة وتبقى بخير و احسن من الاول كمان
..نجوى
. كتر خيرك يابنى ربنا يجعله فى ميزان حسناتك .بس متأخذنيش انت تعرف نورا منين وعرفت ان احنا هنا ازاى؟
...انا شادى زميل الانسة نورا فى الشغل
..وحسيت انها تعبانة من وقت ما خرجت من الحفلة امبارح وحبيت اطمن عليها عشان كده مشيت وراها
وشفت الاسعاف لما جت خدتها وانا اللى قلتلهم يجبوها على هنا
..نجوى بحزن
...كانت حفلة زفت .. هو ايه اللى حصل يا بنى فى الحفلة دى خلاها ترجع بالشكل ده
..موضوع طويل افضل الانسة نورا تبقى تحكيهولك بنفسها لما تقوم ان شاء الله بالسلامة
...يارب تقوم بالسلامة ..ده انا معنديش غيرها وهى كل دنيتى وكل اهلى ده انا اموت لو جرالها حاجة
..بعد الشر عليكى وعليها
تم وضع نورا بغرفة خاصة وفحصها اكثر من طبيب ولم يجدوا بها شئ عضوى لذلك استدعى شادى طبيب نفسى لها
.... الطبيب..بعد الفحص
..عندها انهيار عصبى ..
نجوى بفزع ..يا لهوى عليكى وعلى جرالك يا بنتى
_انا هكتبلها على شوية مهدئات تساعدها على النوم ومضادات اكتئاب بس لو قدرتوا تسافروها تغير جو.يكون احسن . وياريت يكون مكان مفتوح وفيه بحر عشان يسحب الطاقة السلبية اللى مسيطره عليها
..
تنهد شادى بحزن _وهتفضل كده كتير يادكتور مش حاسة بحاجة من اللى بتحصل حواليها ورافضة تتكلم
الطبيب...لأ هى حاسة بكل حاجة بس عندها حالة رفض لكل اللى بيحصل حواليها عشان كده فضلت تعزل نفسها عن الواقع بارادتها
.نجوى...طب نقدر نطلعها امتى يا دكتور
..دلوقتى لو حبيتو ا وجودها هنا ملوش اى داعى ..لان حالتها اصلها نفسى بس انتوا امشوا على العلاج وانا هبقى متابع معاكم بردو متقلقوش اخرج كارت من حافظة نقوده
دى نمر تليفوناتى وعنوان العيادة بتاعتى تقدروا تجولى فى اى وقت
VOCÊ ESTÁ LENDO
حبيبتى ....سيد
Romanceالرواية تصنف رومانسي كوميدى. وتحكى عن نورا التى عاشت نصف عمرها بملابس واسم ولد ،لخوف والدتها عليها لانها تعمل فى الموالد والملاهى الليلية ، تعلمت نورا فنون الدفاع عن النفس لتستطيع الدفاع عن نفسها وسط هؤلاء القوم الذين لايروا فى الانثى سوا جسمها، و...
