YG Univeristy | JenLisa (Book 1)

Chapter 6: Secretary

Jennie's Point of View

Muli kaming nagtagpo-tagpong magkakaibigan sa dormitoryo namin. Halata na pagod na pagod sila.

"May nakalap kayo?" Tanong ni Jungkook na umiinom ng tubig.

"W-Wala, Natakot kami..." Sambit ni Rosé na halatang takot na takot. Kumunot ang noo namin sa kanilang dalawa ni Nayeon.

"Anong nangyari? Ayos lang ba kayo?" Tanong ko.

"Si Miss Hae-sun, iyong librarian. Sinindak nya kami..." Ani Nayeon.

"Paano?" Tanong ni Kai. Nakapalibot na kami ngayon sa dalawa dahil halata sa kanila ang takot.

"Tinanong nya kami. Ang impormasyon na makukuha namin kabayaran ng permanente naming pagkakulong sa YGU." Sagot ni Rosé.

Nanuyo ang lalamunan ko sa sinabi niya. Ako, permanente na ako sa YGU. Nalaman ko na ang nag-iisang lihim na iniingat-ingatan nila. Shit!

"Ganoon din ang sinasabi sa amin ng mga estudyanteng nilapitan namin." Sambit ni Jisoo.

"Wala kayong nakuhang sagot?" Tanong ko.

Umiling silang lahat na ikinamutla ko. Ako lang. Ako lang ang nag-iisang nakakaalam ng sikreto sa aming magkakaibigan, kung sakali man, ako lang maiiwan.

"Ikaw Jen? May nakuha ka bang sagot?" Tanong ni Kai.

Lumunok ako at ramdam ko ang init ng mukha ko. Ayoko, ayoko silang pag-aalahanin. Kaya mabilis na umiling ako.

Mas mabuti ng hindi na lang nila alam.

Biglang pumasok sa isipan ko ang sinabi ni Jeongyeon. Totoo kaya? Ako na ang target nila? Pero sino ang tinutukoy niya? Nakaramdam ako ng takot. Ayoko pang mamatay. Anong kasalanan ko sa kanila?

"May nalaman ako. May nag-iisang paraan para makalabas tayo ng YGU. Sinabi sa amin ng librarian." Desididong sambit ni Rosé.

Nagseryoso ang lahat pero maliban lang sa akin. Kahit na anong gawin ko, hindi na nila ako hahayaang makalabas. Maaaring... sila na lang ang makalabas kung sakali.

"Ano 'yon? Sinabi ba nya ang daan?" Tanong ni Jisoo.

Umiling silang dalawa ni Nayeon bago sumilay sa labi nila ang isang ngiti.

"Kailangan nating makapasok sa rank ng YGU." Sambit ni Nayeon.

"Rank? You mean, sa classroom natin? Top achievers ganon?" Dire-diretsong tanong ni Jungkook.

"Hindi lang sa classroom ito kundi sa Top 10 rank ng YGU. Buong school na kasalukuyang nangunguna ay si Seulgi Kang." Sambit ni Rosé.

Seulgi Kang. Ang leader ng DT, siya ang pinakamatalino sa buong YGU? Hindi ko pa siya nakikita pero humahanga na ako sa kanya. Ang alam ko kasi sa mga basag ulo ay tinatakwil ang pag-aaral.

"Ito ang list." Ipinakita sa amin ni Nayeon ang isang papel na naglalaman ng kumpletong listahan ng top 10 rank o mas kilala bilang Highest 10.

Pumapangalawa si Lisa Manoban, ang President. Pangatlo ang nag ngangalang Taehyung Kim at sa huli ang pangalan ni Jeongyeon. Kasama pala siya.

"Taehyung Kim. Siya ata ang leader ng Hell's Angels." Sambit ni Jisoo.

Taehyung and Seulgi, the leaders of both gangs. How dangerous are they? Napapansin ko na tumahimik ngayon ang magkabilang kampo. Tahimik ngunit mapanganib.

"Guys, ligtas tayo hanggang wala tayong nalalaman. Kaya ang pagsikapan nalang natin ay ang masali sa Highest 10." Suhestyon ni Nayeon na sinang-ayunan ng lahat.