كابوي

البارت الاول

البارت الاول ...

وردة عمري ...

#كابوي
جان مشهد مروع .. شلون راح اخليه ينسى .. اني شلون اكدر انسى .. شلون اخلي هذا الطفل ينسئ واني مو امه ... ومو ام اصلا ... شلون واني ماتقن الحنان التلقائي ولا اعرف انطيه الاهتمام الي متعود عليه .. هو صغير حتئ يفهم ...او يستوعب الي صار وياه ويايه .. واني شلون انسئ ...

مجان لازم اعوف البيت بذاك اليوم .. وانام بيه ... وانتظر دوري يمكن ...جنت حضنت اخويه حيل لصدري حتئ مايخاف ... مو المفروض احميه
مو اني احته الجبيرة ... !?

البـــدايه
....
الح عليه والدي بلكي اغير رأيي بس اني جنت مصممه مفكرت اصلا .. كلت له واني للاحكه لان جانت ستوهه داخل للبيت جاي من الشغل.. 

ـ بابا الله يخليك خليني ابات عند كريمه وباجر من الصبح تلاكني بالبيت ..

جان مبين عليه التعب وهو يفتح دكم قميصه .. وحدة ورة الثانيه .. يمشي رايح للمطبخ ...بعد ماترك الجنطه مالته بالصاله وهذا الي تكرهه جميله زوجه بابا .. هذا الشي الي خلاها تلاحكه مثلي بعد مااشالت الجنطه مالته ... وعلئ وجهه ملامح الغضب لان ابويه مدا يكثرت للكل التعليمات الي تمطرهن عليه الليل ونهار ...

وهو مايستجيب .. ابويه مهمل حاله حال الزلم ... ينزع حذاءة بالباب واحد والثاني بالصاله .. والجواريب يشمرهن شمر .. والجنطه مالته ياا بالمطبخ. ... يااا بالصاله ..  وجميله تضوج ماتقبل دائما تطلب منه .. يعوف هل العادات السيئه علئ كولتها ...

بس عبث .. ماكو اي استحابه لطلبات جميله واموامرها ...

سكتت جميله منتظرة ينتهي موضوعي الا تحجي هي ... دخلنا وره بابا للمطبخ هو راح للثلاجه طلع منه بطل ماي يشرب منه .. وجميله علئ الكرسي ايدها علئ فجها متجيه علئ الطاوله بكوعها ...

ـ يلا بابا .. ترة جنت خوش بنيه هاي السنه وسمعت كلامك .. وماتعبتك ودرجاتي زينه .. وماكو لامدرس ولا مدرسه اشتكئ مني .. واسوي كولشي تريده مني بدون حتئ نقاش .. ليش متخليني هل مرة اسوي شي اني اريدة

سالتني جميله ..
ـ شنو السالفه اسيل ...شتريدين من ابوج

درت وجههي لها ...احجيلها بلكي تساعدني وتخلي بابا يوافق ...

ـ طلبت منه يخليني اروح بات عند كريمه ...وهذا هو كدامج مدا يقبل ...فدوة اقنعيه انتي

اشرت عليه رافعه ايدي

ـ اعرف بيه مراح يرضئ ..

نست جميله موضوع الجنطه والجواريب المشمرة والحذاء الي فردة منهن بالصاله والثانيه بالباب ...
وحاولت تقنع بابا بالي اريدة

ـ وشبيها بدر. اي ياعيني دخلي البنيه تروح تتونس وي صديقتها مو تعرف خلصت الامتحانات الحمدلله واسوله ماقصرت قرت خوش قرايه وان شاء اطلع معدل حلو