كابوي

البارت العاشر

البارت العاشر

#وردة_عمري
#كابوي

علي جان دا يباوع لافلام كارتون ...بس اشوفه دا يعاني بسبب التلفزيون قديم كولش الصوت بالكوة يطلع منه ...

رحت ورة علياء .. ترجاها تروح وياي نشوف عماد اني وياها وانأخذ ويانه علي ونجلاء .. عماد احسه خيط الحياه الي يذكرني بحياتي قبل .. احسه ذكرياتي .. الماضي .. احسه من ريحه اهلي .. من عالمي الي جنت عايشه بيه صعب اعوفه او تركه

اخذت وياي نجلاء وعلي وعلياء الي لبست واتأنقت اخر اناقه ...اما اني اهملت نفسي ووجهي .. لعل وعسى مانغيض الاسد المتربص بكل حركه مني .. 

عرفت علياء على عماد ...اول مادخلنا بالسيارة .. وكالعادة كان ينتظرني بعيدا عن عيون اهل المنطقه ...بين على عماد و علياء الخجل

فكسرت اني حاجز الصمت وكلت ..

ـ يلا يابه خلصتوا خجل خلونا نروح ... عماد اخذنا للزوراء خلي علي و نجلاء يتونسون

ضحك عماد ...لتفتت لها شويه وهو يكولها ...

ـ تشبهج هوايه اسيل ... يمكن انتي احلى منها بشويه

ردت عليه علياء وخدودها صارن حمر من الخجل

ـ لا مو صحيح

جاوبتها مبتسمة ...

ـ طبعا مو صح دا يمدح بيج حتى تنعجبين بيه .. اصلا اني بحاله يرثى لها ...يعني لا تفرحين هواية

ردت علياء ...

ـ اعرف

حسيت بتوترها لمن حاولت تصحح كلامها

ـ يعني مااقصد اني اعجبة .. اقصد

رديت عليها خلي حد لمعاناتها ...

ـ دا اشاقه وياج ...اعرف قصدج علياء

وضلينا نضحك ثلاثتنا وهو انطلق بينا ...

اخذنا عماد للمتنزة .. انطلقوا نجلاء وعلي يلعبون ... واحنا وراهم ساكتين ... لكن عماد كسر الصمت وكام يحجي عن كريمة ...كال بدأت دراستها ...ودا تتأقلم وي الوضع هناك ..وانو هي دا تحس بالخجل وماجاي تتصل بيه بسبب الي سوته بيه .. بصراحه حتى اني بعدني ضايجه منها. ..شلون انسى لمن طردتني من بيتها ... طردتني وهي تعرف ماعندي مأوئ اني واخويه الزغير ...بنص الليل خلتني ابات بالشارع بالخوف والرعب الي جنت احس بيه ...مع اني هم اشتاقيت لها ....حتى اسولف لها مابيه من هم وغم بحياتي ...

اشكي مشاكلي لها ...مع ذلك فرحت لها ...لان هي كدرت تكمل دراستها ... ومابقت وي شخص مااتقدرها ...والله سبحانه وتعالئ عوضني بعلياء تحبني وتسمعني ...احس ...اي احس بيها تحبني ...مااعرف يمته وشلون بس تعتبرني اختها ...واني الي ذبيت هاي العلاقه الجميله  بعيد بالماضي ..رغم انو علي راح يبقى يحتل المكان الاكبر بكلبي ...لا هو مو بس اخويه ...علي ابني ...زيادة على كل هذا احبهم