كابوي

البارت السابع عشر

البارت الثامن عشر ...

#كابوي

#وردة_عمري

ـ كي تزيد وسامتك

ـ لا صدك ... كوليها اريد اسمعها ...كلامج وانتي تكوليلي احبك تزيدني حياة

ـ مااكولها

ـ خل نستعجل بزواجنا ..بعد مااكدر اصبر على فراكتج كل ليلة ...محتاجج يمي اسيل ..

ـ اريد ترجع تخطبني من جديد خليل ...تجي بالليل وتخطبني من عمو عمران ... المرة السابقه قبلت بسبب ضغطك عليه ...هل مرة اريد تجي و نسوي خطبه وعقد سوة وبعدين الزواج

ـ دا تشاقين اسيل?  ولج اريد اعرس ....اعرس ...مو اخطب و ونسوي عقد

ـ نمشي حسب الاصول خليل ...حتى الله يبارك لنا بهل زواجه

سكت حسيتها اقتنع بكلامي ...

ـ ماادام تردين خطبه حسب الاصول ...اروح احضر نفسي .. لعد اشتري الجكليت و والهدايا لج ولامج واجي ...

ـ تقدم مثل ماانته خليل ...مااريد اي هديه .. انته هديتي من الدنيا ...لا تبدل حتى ملابسك..  بريحتك الحلوة ...بعيونك التخبل ...ماادام عندك هاي الندبه الي بخدك ماتحتاج شي ثاني تجيبه وياك ...دا تفهمني

ـ مدام هيج ... انتظريني بالليل اني جايكم ...اسيل راح اتصل بعمج عمران ...وكلشي يتم حسب الاصول

ـ مثل مااتريد

ـ بعد كل ماعشته من ضيم وقهر اخيرا وصلتي لحياتي اسيل ودخلتيها

ـ احبك خليل

ـ واني ...واني اموت على التراب التمشين عليه

اول دخلت وكلت لامي ... استغربت....من دمار شامل لخطبه ... وبعدين صارت التحضيرات على قدم وساق ...سبحت ... وسحبت شعري بالساحبه ... وخليته مفتوح ... جان عندي فستان قديم ...يمكن لو بإيامي قبل جان مالبسته ....بس هسه بعيرني اشوفه احلى فستان ...جان قصير للركبه ...ردن ...شيفون ... من جوة منفوش .. تنورة ...وبعدين يضيق على الجسم ...مكياج خفيف ..  ماما حضرت العصير والكيك ...وعلي خطيه لبسته قاط من ملابسنا القديمه النسيناها اصلا ...

اجه خليل وجايب وياه كم واحد من اهل المنطقه ...بصراحه ماتوقعت ...توقعته يجي لوحدة .. شكد فرحت وحسيته قدرتي وقدر عمو عمران ...

بالبدايه جان الوضع متوتر ... بس الشيخ الجايبه وياه .. بدة بالكلام ... بالصلاه على محمد .. وكال

ـ يابه ابو رياض جايين نخطب ابتكم لابنا خليل على سنه الله ورسوله

كلبي كام يدك بالثانيه الف ... رجفه خذت روحي وجسمي ...لمن اجه رياض ...وكال يلا ...الشيخ يريد عقد لكم ... زادت الرجفه ...امي خلت بيدي ...شكر و هيل وكم حبه تمن ...
وياس ...