كابوي

البارت التاسع

البارت التاسع

#كابوي
#وردة-عمري

اجت علياء ووكفت وياي على الشباج دخل خليل للبيت .. علياء صارت  تسولف على يومها والي صار وياها ...بس شافتني مو وياها .. سألتني شبيه ..

جاوبتها ...

ـ ضحك هواية اليوم

التفتت لها ..

ـ علي ضحك هوايه اليوم ..جان فرحان ...ماتكدرين تتصورين الدفؤ الي دا حس بيه بكلبي ..اشهر مرت عليه مااعرفت شلون اضحكه وارجع الابتسامه على وجهه ...بس هو خلاه يضحك

ردت علياء

ـ منو تقصدين ...

جاوبتها ..

ـ ماادري .. بس اني فرحانه ودا اخربط بالحجي  .. اعذريني

ردت علياء ...

ـ والله فرحت لان انتم تونستوا

رديت عليها ...

ـ على يوم اخذج انتي ونجلاء ...نسوي فد سفرة ماتنسي

ـ اكيد

رديت عليها

ـ اووف نسيت فد مرة

لزمت ايدها واخذتها للكنتور الي ضميت بيه الاغراض اشتريتهن لهم .. طلعت الاجياس الخصيتهن لهم .. ومديت لها

ـ اخذي

سألتني متعجبة

ـ شنو هذا? 

ـ هاي هديه بسيطه اخذي

ردت عليه علياء.. 

ـ وشنو مناسبه هاي الهدايا

ـ ماكو مناسبه بس ردت اهديلكم فد شي

ضاعت ضحكتني لمن شفت ايدي بعدها مدودة ...وايدها .. قابضه عليها بقوة ...عبالك ترفض تأخذهن مني

ـ شنو مراح تأخذيهن مني ..

ـ اسفه اسيل مااكدر اخذهن منج

ـ ليش شنو السبب علياء? 

ماافهمت سبب رفضها .. دخلوا علينا زينب ورياض .. اكيد سمعوا الكلام الي دار بيني وبين علياء ...لان جنا نحجي بصوت عالي شويه .. لان ضجت شويه لمن اخذت متي الهدايا.   سالتنا عبيدة ...عن سبب صوتنا العالي ...درت لها وجهي

ـ اشتريت لهم ملابس .. لمن اشتريت لنفسي ...فأختاريت الي عجبني لهم ...هذا كل الموضوع بس علياء دا ترفض ومااخذت متي الهديه

حاوبت علياء بوجود زينب ورياض ...

ـ الموضوع مو هيج اسيل .. مااريدج تحسين بالشفقه علينا ...لان عرفتي وضعنا. والي احنا بيه ..

رديت عليها متعجبه

ـ تقصدين اني اشتريتها بدافع الشفقة