كابوي

البارت الرابع

البارت الرابع
#كابوي

#وردة_عمري

سكتوا اثنينهم .. صافنه عليه ودموعها تجري .. انسحبت القهر كاتلني .. حتئ لو صعدت للكمر ونزلت للكاع ..او متت لو عدلت .. راح يبقئ مني جزء من زينب مااكدر انكرة ...

ويبقئ كرهي لها من حبي الجبير لها ...

ـ اعذروني ...يمكن اني اذيتكم هل مرة ...بس والله مااقصد هل مرة مااقصد اذيكم ...

عفتهم ودخلت ... ذرفت الدموع ... اكبر قدر ممكن ...لمن دخلت للغرفه لكيت نجلاء و علياء كاعدات ...علي كاعد علئ جربايتي  جابوها مخصوص لي .. حسيته بهل لحظه .. غالي و حلو .. علي خطيه مطلع العابه ... يلعب بيهن ...وعندة عجينه يلعب بيها ويسوي منها  اشكال

كعدت عيوني ماابطلت دمع ...العب وياه وسويله اشكال عجبته .. نجلاء خطيه رادت تلعب ويانه بس ماخلتها علياء .. كامت تصيح عليها ورجعتها لمكانها ...

علياء تذكرني بروحي .. تبين شرسه ...لمن يتعلق الموضوع بالاهل ...اني هيج كلشي ممكن افوته واسامح بيه الا شي يهدد عائلتي واستقرارها ..

وعائلتي تهدمت مابقى منها الا قليل وهاي اني دا حارب بكل الطرق علمودة .. اما هي عدها اهلها بيتها .. امها ...ابوها .. اخوها واختها بحضنها ..

اني لو مثلها ...لو جنت مكانها ...مااخلي اي كان يأذيهم ...اشوف دا سبب المشاكل لهاي العائله لخاطر ام ... ماعادت امي .. صارت امهم لهم

مااكدرت انام ...تأخر الوقت واني اتكلب مثل السمجه المزهورة ... جنت يائسة لمن تذكرت عرض عماد ...جان الوقت مناسب حتئ اتصل بيه هيج ...وقت .. بلكي يرتاح بالي ونوم يزور عيوني .. كمت علئ كيف من مكاني ... شلت البردة وصرت وراها ...هبت نسمات الهوا جايبه وياها شكو شي بالشارع ...اروق الشجر ...علاليك ... اجياس الجبس ....

بلحظه معينه .. توجه لي ضوء من بيت السطح الكدامنا .. شفت دخان يطلع من حلك نفس الشخص شفته يباوع عليه المرة السابقه ...ماامدر اشوف ملامحه ... بس نفس جسمه الضخم .. يصعب انساها بسهوله .. لمن خليت ايدي علئ عيوني طفه الضوة ..

جنت قاب قوسين او ادنئ حتئ اتصل علئ عماد .. بعدني مااداكه ...سمعت صوت يصيح بالدايه مااعرفته ...بس لمن صاح بالمرة الثانيه عرفته عمران .. عمران دا يصيح على علياء

عفت الشباج مفتوح وركضت اشوف شنو السالفه .. علياء هم كعدت من نومها ...شفت عيونها شلون خايفات ...مثل عيوني بذاك اليوم المراح انساها شمامرت مأسي بحياتي

سئلتني بيأس ...

ـ شكو .. شدا يصير ... بابا يصيحني

ـ ماادري هسه سمعته دا يصيحج

جان بعدة يصيح علياء ...لمن كعدوا علي ونجلاء ...حتئ رياض ...كلنا ركضنا

جانت اول وحدة علياء ...قبلنا كلنا ..اول ماادخلت الغرفه .. صرخت ... حيل ..