كابوي

البارت السابع

البارت السابـع ..

#كابوي

#وردة-عمري

- يجوز ...ليش انتي عبالج موت ابوج ومرته طبيعي ...لا .. مو طبيعي ...اسئلتي منو يريد موته .. وبهاي الطريقه .. ترة دوروا عليج وعلئ اخوج .. ومالكوج...شنو من عملية سرقه تنتهي بهاي الطريقة ..

كلبي خفك .. روحي انسلت من بين جنبات صدري .. رجليه فقدن قدرتهن مااكدرت احركهن .. صح جان عندي شك ...بس تأكيدة من شخص مثلة .. يخليني بحاله من الرعب .. لا يمكن وصفها ...

ـ وشمدريك انته بكل  هذا ...?

طلعت منه ضحكة خفيفة ...عبالك دا يستهز۽ بيه ...وكام من مكانه

ـ يهمني الداير مدايري .. واني اريدج يمي ...لمن لشبع منج ... يعني كلشي يخصج يخصني ...

ـ انته عبالك. حياه الناس لعبة ...تستعلمني لمن تشبع مني وبعدين تذبني .. !? يعني شنو راح تستفاد مني مدا افهم

رفعت عيوني له اسئله ...

ـ خليك. من كل هذا هسة

ساعتها فكرت .. هو يعرف هواية اشيا۽ عني ...عن المجرمين ..خليني احجي وياه بلكي اكدر افهم منه شي او اعرف شي ...

ـ سولفلي ..

التفت لي بسرعه ...عبالك ممصدك سؤالي .. بهاي الطريقة المستسلمه الراضخـة ...

ـ برأيك ليش يريدون يأذواني اني واخويه ... بعد ماكتلوا اهلنا

ـ يمكن القتلة ...

قطعت كلامه ....

ـ تقصد المجرمين

واجيت اكمل الجملة "امثالك .. بس مااكدرت احجي بلعت الحجاية واحس روحي ابلع موس يجرح بلعومي ...

هز راسه وكمل ...

ـ القتلة

عبالك يتحداني ....يروضني ...كأنه من ممكن ترويض خيل هاج بعد ماكان مروض ...

ـ القتلة ... باكو البيت ... حتئ يغطون علئ جريمتهم ... وهذا يعني الجماعه الي دخلت وكتلت مو جديدة ...عدها خبرة ...

ـ اني من اول مرة جان عندي احساس ...وكلت للشرطه بس مااصدكوا كلامي ...

ـ خليني اكمل كلامي ...

لا .. لازم يعني يكون متسلط حتﻲ بالكلام .. حتئ اثناء حديثه عن امور تخصني ...واستمر يسألني

ـ ابوج جان يتعامل بالرشوة او اشيا۽ مو قانونيه ...يعني مااسامعته يحجي شي ...

ـ لا اكيد لا ...بابا عمرة مااسوة شي غلط ... مستحيل بابا رجال نزيهه

تنفست بصعوبه ...وطلقت نفسي ...

ـ دير بالك تسئل هيج سؤال ثانيه