البارت الثامن عشر
#كابوي
#وردة_عمري
ـ مو كت هل حجي علياء اسكتي
جاوبتها ..
ـ ماادري والله ماادري شسوي خلتني بين نارين وراحت ...
ـ خابرته وكال شويه وجاي ... اكيد خليل راح يشوفلج حل لا تخافين
ـ بس ياعلياء هذا الموضوع مو بيدة اني دوم اركضله اذا صارتي مشكله هوة يلكالي حل الا هاي ...الا هاي علياء مو بيدة مااعتقد يكدرلها
كالت ماما
ـ يمكن اذا حجه وياها يغير رأيها ...
ـ ماما انتي ماسمعتيها شلون تحجي عنه ...مااريد ادز لها خليل حتى تقلل من قيمته ...مستحيل اخليه ينهان ثانيه بحياته لخاطري
تربى بين اهانه ابوة ومرت ابوة من جان زغير مستحيل اهلي عجوز مثلها تهينه بشبابة شكد كرهتها باهي المرحله حسيتها ضيعت عليه وقت حلو المغروض اخلصه وي خليل ...
بقينا هيج لمدة من الوقت ... لمن اتصل خليل بعلياء كال لها اني واكف بالباب تعالي افتحيه
دخل وعيونه متروسات قلق ..لمن شافني زادت تعبيرات وجهه تبعثرا ... كعدته امي يمي ..بعد التهليل والترحيب بيه
كعد يمي
ـ شبيج اسيل اكو شي حبيبتي مو على بعضج
ـ ارتاح شويه خليل وبعدين نحجي ...
مديت ايدي له لزمت ايدة ...درت وجهي لامي
ـ ماما ممكن تخلينا لوحدنا حبيبتي
ـ اكيد ...اكيد ماما اخذوا راحتكم
كامت بسرعه وطلعت ...
دار خليل وجهه لي
ـ شكو حياتي خوفتيني ترة
باس ايدي
ـ احجي
ـ خليل اني خايفه
جاوبني بصوته الخشن
ـ من شنو خايفه? اني وياج اسيل .. احجيلي ترة راح افجر شلعتي كلبي
ـ اجتني خالتي زهرة قبل شويه
ـ منو هاي زهرة?
ـ بيبيه علي ...بيبيه علي خليل
ـ شبيها
ـ تكول تريد تأخذ علي مني ..اني خايفه تفركنا ثلاثتنا خليل
ـ شنو? شدا تحجين اسيل مراح نخليها مستحيل ننطيها فرصه تفركنا ...مو ?
عبالك دا يترجاني بداخلي اكول دا تسألني خليل ? تسألني اني? لمن شافني مااجاوبته ...حجه بصوت ناصي كأنه يعرف الجواب مسبقا
أنت تقرأ
كابوي
Actionالقصه حقيقيه .. انثئ نقيه .. تلتقي بمن هو الشر .. يريد افسادها ... يقتاد علئ نقا۽ها ... فكيف تكون البدايه ...وماهي النهايه باللهجه العراقيه
