البارت التاسع عشر
#وردة_عمري
#كابوي
غمضت عيوني حيل .. وحسيت الهوا يضرب بوجهي ...طلعت الطلقه من المسدس .. ارجف للحظه حسيتها اخترقت صدري ...تغلغلت بين شرايني ... مباشرا لكلبي ... فتحت عيوني
فتحت عيوني شفت خليل واكف مقابيلي ...وجهه مقابل وجهي ..قريبين جدا من بعض بحيث. جنت انتفس الهوا الطالع من لحلكةعيونه شبه مغمضه .. يتفحص وجههي ...وهمس
ـ اسيل بيج شي حبيبتي ?
باوعت لصدري ..بمكان مااحسيت الرصاصه دخلت ..بس وين هي? حسيت بيها ...لعد وينها? كمت ادور على الدم بملابسي
لمن سمعت سعيد صرخ
ـ خليل!
وكعت الهضبه ... طاح الجبل ... خليل بالكاع ..فتحت عيوني متعجبه .. لا مو هو ...الرصاصه صوبتني ... حسيت بيها والله حسيت بيها .. خليل !
وكع ببساطه بين رجليه ...خليل كله وكع ...راح اوكع وياك خليل ..مستحيل خليك وحدك بالكاع ...كوتلك اني وياك وين ماتروح
كعدت على كربي اصرخ
ـ خليل!
لزمت راسه وخليته بحضني قريب من بطني شكد يحب هاي الحركه...سويت هاي الحركه بسرعه حتئ يرتاح ويشفئ ...ويضل وياي
ـ ااااه خليل .. حبيبي ..بقئ وياي لا تغمض خليل خلي عيونك بعيوني
ضحك ضحكه مكسورة من بين الم والدمعه ...
ـ اسم ابنج علئ اسمي
حضنته حيل ... ودرت وجهي لسعيد الجان يلطم علئ وجهه
ـ اكتلني وياه ...شمنتظر ...اكتلني وياه ... شوف شسويت بينا
صرخ بوجههي واقترب مني
ـ انجبي ...انجبي ...كله من وراج ...كله بسسبج
خله مسدسه براسي ...كح خليل وهمس
ـ سعيد ...اوكف ...سعيد
لمن شافه يحجي نزل عليه وكام يبجي
ـ سامحني ياخويه ...سامحني ياصاحبي ... ردت اخلصك منها
جانت ايد خليل ترجف قربها من صديقه
ـ لا تأذيها اني عن نفسي مسامحك بس هيه مااوصيك الا ....بيها
ـ لا تخاف .. خليل قوي نفسك الله يخليك ... راح اخذك اداويك .. وتعيش .. تعيش خليل .. بس انتظر لا تغمض عيونك
وكف سعيد والدموع على خده ماافاركته .. واخذ موبايله يريد يخابر دار وجهه لي
ـ اضغطي على جرحه ...لا تخلينه يخسر دم هوايه
جنت بحاله صدمه ...خليل يموت بين اديه ...اديه اني ...ودا يوصي بيه .. مااجتت بحاله اكدر استوعب كلام سعيد
YOU ARE READING
كابوي
Actionالقصه حقيقيه .. انثئ نقيه .. تلتقي بمن هو الشر .. يريد افسادها ... يقتاد علئ نقا۽ها ... فكيف تكون البدايه ...وماهي النهايه باللهجه العراقيه