كابوي

البارت السادس "مفاجئ "

البارت السادس ..

#كابوي

#وردة-عمري

ـ انتة .. انتة

كان كلبي يخفك بأهتياج لمعرفتة .. من اول ما كال .. "تعالي "

ـ عبالك الموضوع راح يمر مرور الكرام ..

تنهد وبعدين كمل ..

ـ يلا تعالي .. متانيج

ـ شلون .. شتتصورني انته! ? شلون تريدني اجيك والدنيا نص الليل ...

ـ ماعليه .. مايهمني .. ماكو والخلقج اجي هسه واسحلج سحل من بيت اهلج وتعرفيني اسويها .. خليني انصحج لا تزيدين ناري عليج كافي البيه هسه

كمت ابجي .. حتى صواي تغيير

ـ يعني مانكدر ننتظر لباجر

سكت شويه وكملت

ـ اني خايفه .. الدنيا ليل .. شلون لو تعرضلي واحد .. لو واحد من اهل المنطقه شتفني طالعه بهيج وكت

ـ لا تخافين .. مراح يصير بيج شي ...اني موجود

شنو هذا وعد بالامان ...!? وكمل

ـ اهل المنطقه نايمين هسه .. انتي تدرين بيهم .. الساعه تعدت وحدة بالليل .. يلا لا تتأخرين

ـ لكاك بالباب يعني! ?

ـ اني هنا ...

وراح رجال غريب يلوح بالضوة اتجاهي .. فعرفت انو هو ..

يعني الرجال صاحب الجسم الضخم هو .. هو الي يراقبني ويشغل الضوة ويطفيه لمن يشوفني واكفه بالشباج ..

حتئ لو جان هو ...خايفه ...الخوف صار يسري بعروقي ..

ـ راح تلكين زلمي بالبيت واحد منهم يوصلج لي بالسطح

مااجنت اعرف رجال هوايه بحياتي .. هسه كامت الزلم .. تأخذني وتجبيني .. من مكان لمكان دخلت بحذر للغرفه ...لبست بنطلون جينز عفته هنا علئ اساس اغسله ...لان اذا فتحت الكنتور راح يكعد البيت كوله علئ صوته .. ولبست فوك ملابسي قميص طويل ...علئ اساس راح يحميني ... شكد غبية .. !

حرصت واني اطالعه مااسوي اي صوت ...ونجحت .. جنت راح اموت من الرعب!  جسمي يرجف من المستقبل المجهول. دا ينتظرني .. راح يكتلني! ? لو شنو بالضبط ..

انكر ...اي انكر .. شنو الدليل اني بلغت الشرطه ...

جانت المنطقه غركانه بعتمه الليل المظلم ...ماكو احد.   غير كم شاب كاعدين أخر الدربونه ..ركضت بسرعه قبل مااشوفوني ويشكون بيه ويتورط .. بس وصلت للباب شفت واحد من الحيطان الجسديه الي شفته وياهم ..واكف خلف الباب مباشرة .. بمجرد ماوصلت فتح الباب .. وبدون مااوجهه اي كلمه ..او هو يحاجيني ..

سبقني واني وراه ...افكر بمصيري .. معقوله هاي اخر خطوات خطيها وهنا تنتهي حياتي .. لمن اعوف علي! ? محد راح يعتني بيه ويحبه مثل ماااني احبه! ? زادت نبضات كلبي وسرعه تنفسي!