البارت السادس عشر
#كابوي
#وردة _عمري
طلعت من الموت لمن بتت ذيج الليله ببيت كريمه ...وطلعت مرة ثانيه لمن خله خليل المسدس براسي ومااكتلني .. يكولون الثالثه ثابته ...
يعني هاي نهايه حياتي ... كمت اشوف عيون حبابي كدامي ....علي .... خليل ...امي ...نجلاا ...رياض ...علياء .. عماد .. استسلمت للامر الواقع واختاريت انصدم بواحد من اعمدة الكهرباء خليت راسي على الستيرن وعكست ...
جنت لهج بالشهادة ....لمن فقدت الشعور
جانوا اهلي داير مدايري ... فتحت عيوني بالكوة عبالك حجارة جانت محطوطه عليهن ... ماما اول مافتحت عيوني ذبت نفسها عليه وكامت تبجي ...
ـ ولج ماما جان رحتي من ايدي ....يروحي ... يكلبي
وتبوس بيه بكل مكان من وجهي ... واني حتى ايدي ماامدر اشيلها ... سألت بصوت ناصي بس مسموع
ـ ماما علي
جاوبتني ...
ـ اخيج ...شابع بواجي عليج لا يأكل ولا يشرب .... خليته وي نجلاء عن الجيران
اجيت احرك ايدي ...صحت
ـ اااه
ـ اسم الله عليج من اااه ماما ...مابيج شي حبيبه ... كدمات بسيطه ...الحمدلله وشكر الله ماقصر رجعج لي ...
اجه رياض .. باس جبيني
ـ الحمدلله على سلامتج اسوله ...خوفتينا عليج ولج
وعلياء خطيه فوك راسي ...وعمو عمران هو وماما كاعدين يم رجليه
ـ ماادري شصار السيارة طلعت عن سيطرتي
باوعوا واحد لثاني ...
سألتهم
ـ شكو?
كال عمو عمران
ـ دخلتي بغيبوبه يابه صارج ثلاثه ايام نايمه ... الف الحمدلله وشكر رجعتي لنا سالمه ... مدري منو مخرب السيارة قصدة يأذيج
الخوف اجتاح كياني ...رفعت عيوني لعلياء متجاهله الجمع الداير مدايري ... وسألتها
ـ وين خليل...عرف سويت حادث لولا ?
خفت يسوي شي ...لو هو مخبل .. واخاف يأذي نفسه ..او يأذي احد
طلع عمو عمران ورياض ...وقربت مني علياء
ـ ولج تخبل علينا ...لو شفتيها بيومها جان كلتي راح يموت ...مااكدر يلزم نفسه وراح يدور على ورة هاي السالفة ... يشك بواحد من صحبانه ...وسمعته يسال اذا لكوة لولا ...لان الظاهر هو مختفي ...وقبل عشر دقايق اجاه الاتصال وراح ...ووصاني اذا صار شي جديد اكوله ... ولج تسودن المستشفى وكفها على رجل وحدة والدكاترة كلها تتراكض بس تريد تتجفه شرة
YOU ARE READING
كابوي
Actionالقصه حقيقيه .. انثئ نقيه .. تلتقي بمن هو الشر .. يريد افسادها ... يقتاد علئ نقا۽ها ... فكيف تكون البدايه ...وماهي النهايه باللهجه العراقيه
