كابوي

البارت الحادي عشر

البارت الحادي عشر ...

#كابوي

#وردة_عمري

ـ ضحكتني!

باوع عليه بنظرة عصبية ..وهو يتابع جرة وراي ..بداخل هذا المكان ..بالباب واكفين اثنين يشبهون الي كتلوا رشيد ...رحبوا بيه بشكل مو طبيعي ..واني وراه مستحيه من نفسي ..

دخلنا لمدخل ضيك شويه ... نقلنا الئ قاعه جبيرة ظلمه .. بيها اضواء ملونه ..الي تظهر القليل من الي دا يصير هنا ...واكو مغنيه واكفه تفني والفرقه وراها ..والطاولات متتروسه ناس يشربون ...رجال بحضانهم بنات ...كأنهن لابسات .. اكو راقصات وداير مدايرهن رياجيل يرشونهن بالفلوس ...ويمكن هذوله يمنعون اطفالهم من الاكل والشرب حتى يجون يذبون فلوسهم هنا ..

لعبت نفسي من هواية مشاهد الي مااحب اذكرها .. حتى بيني وبين نفسي .. جانت الدموع تارسه عيوني .. ماالاحضت وصولنا لطاوله معزوله عن الباقيات الا بعد فترة ..كعدني وهو لازم ايدي حيل ...عبالك خايف عليه اضيع بهاي الغابه المتروسه وحوش

واني مااطاوعني كلبي اعوف ايدة ...حتى اصابعي باردة ماكانت لها قدرة تتحرك ...طلب مشروب له ...واني اطلب لي عصير برتقال ...اخذ باكيت جكايرة بتوتر وخلاه على الطاوله ..طلع وحدة من جكايرة خلاها بحلكه ... شاف وحدة يعرفها .. صاح عليها .. وطلب منها تكعد ويانه ...

واثناء هل شي وصل الي طلبه ...او انواع هوايه من المشروبات طلبها هو ...ماتوقعت ممكن يسكر ويأخذتي وياه بالسيارة بعدين ...جنت خايفه ...قلقه ...

قربت البنيه وجهها مني وسئلتني

ـ بيج شي حبيبتي ...

هزيت راسي بلا ... حسيت انو صوتي اختفى مثل علي ...الكلمه مااتطلع من بين شفايفي ...

علقت على ملابسي بصوتها العالي المزعج ...

ـ نزعي قمصلتج حبي قابل انتي بمدرسه وباقيه بيها

جاوبها خليل الي خله كلاصه على الطاوله بعد ماافرغه ...

ـ لا ماتنزعها ...هاي ماجايه تتنونس .. جايه تتعلم حنونه

سكت شويه ...باوع عليه بنظرة غامضه ...وكمل

ـ هي جاي ادور على اشخاص يشتغلون بهيج اماكن ومثلج ومثل نسمه والبنات

ردت عليه البنيه

ـ لا تكول تشتغل اعلاميه لو مراسله ...اووف فدوة خليل مااريد اطلع بالتلفزيون لا جريدة اعفيني من هذا الموضوع اترجاك

ـ لا تخافين ...هي بس ادور عدها بحث .. تريد تسمع قصصكم

ـ اذا هيج ماعندي مشكله ...

ـ هاي هيه كدامج

واشر عليه ...علمود هل شي جبتني لهيج مكان خليل?  معقوله?