#Unicode
ထယ်ယောင်းတစ်ယောက်ထဲညနေရောက်တော့ယောင်ချာချာဖြစ်နေတော့သည်။ထမင်းစားဖို့ပြင်ဆင်နေရင်းမှာသွားတဲ့စကားတွေကနားထဲမှာတစ်ခုချင်းကြားယောင်လာသည်။နေ့ခင်းကအဒေါ်ကြီးလာပို့သွားသောဟင်းဘူးတွေကိုကြည့်ကာကိုယ်စားချင်တဲ့ဘူးလေးတွေကိုထုတ်လိုက်သည်။ဝက်သားအစပ်ကြော်ကိုပန်းကန်လုံးထဲနဲနဲခွဲထည့်ကာဘူးကိုသေချာပြန်ပိတ်ပြီးရေခဲသေတ္တာထဲကိုပြန်ထည့်လိုက်သည်။ကျန်တဲ့အရွက်ကြော်နဲ့အရံဟင်းတစ်မျိုးကိုလည်းအနည်းငယ်ခွဲထည့်ပြီးပြန်ထားလိုက်သည်။ဟင်းတွေကိုအများကြီးနွှေးပြီးမှ မကုန်ပဲပြန်ထည့်ရင်ဟင်းကျန်တွေဖြစ်သွားပြီးသိုးကုန်လိမ့်မယ်လို့မှာသွားသည်။ထမင်းကတော့အကိုနဲ့အမကညနေကချက်ပေးသွားသည်။ဖုန်းတောင်မဆက်ဘူးဂျပန်ရောက်နေပြီကို ဆက်ပြန်ရင်လည်းအထင်သေးသွားမှာစိုးရိမ်သည်။
အချစ်မှာအထင်သေးတာတွေဘာတွေစိုးရိမ်စရာလိုလဲ ကိုယ့်ချစ်သူကိုယ်ဖုန်းဆက်တာပဲလေ အမျိုးမျိုးတွေးနေရင်းနဲ့ဖုန်းဆက်ဖို့ပြင်လိုက်သည်။
"အာ...ဖုန်းလည်းမဆက် ဖုန်းလည်းမကိုင်နဲ့ဒီလူကြီးကတော့"
ဖုန်းဝင်နေတာမကိုင်လို့သုံးခေါက်ဆက်တိုက်ခေါ်တဲ့အထိမကိုင်။ဖုန်းကိုပစ်ချလိုက်တော့ဖုန်းသံထမြည်လာသည်။အပြေးအလွှားကောက်ယူကာကြည့်လိုက်တော့ ချန်းလေးဆီကဖုန်းဖြစ်နေသည်။
"ပြော..."
"မင်းအသံကြီးကလည်းဘာဖြစ်နေတာလည်းကွာ"
"ဟိုလူကြီးလေ ဂျပန်ရောက်သွားပြီလေ ငါဖုန်းဆက်တာမကိုင်ဘူး"
"အလုပ်မအားလို့နေမှာပါကွာ မင်းဘိုးတော်မရှိတော့ပိုပျော်ရမှာလေ"
အောင်မယ်အခုမှအသက်ငယ်ငယ်လေးရှိသေးတဲ့ငါ့ရဲ့ ဂျွန် ကိုများဟိုဘိုးတော်တဲ့။အနားရှိရင်ထိပ်ကိုနာနာခေါက်ပစ်လိုက်ချင်တာ။
"ဒီမှာ အကိုကြီးချန်း ကျွန်တော်ရဲ့ဂျွန်ကိုဘိုးတော်လို့မပြောနဲ့ မကြိုက်ဘူး"
"အမလေး ကင်မ်ထယ်ယောင်းတို့များနော် တော်ပါပြီ မင်းရဲ့ဂျွန်ဆိုတာကြီးနဲ့ရန်ဖြစ်ရင် ငါ့လာမပြောနဲ့နားထောင်မပေးဘူး"
YOU ARE READING
Simplicity of love √Completed √
Romanceအချစ်ဆိုတဲ့အရာကိုထူးဆန်းတယ်ဆိုပြီးထူးဆန်းစွာဖြစ်ပေါ်လာမယ့်အချစ်မျိုးကိုစိတ်ကူးထဲပုံဖော်နေမိတာ...... တကယ်လက်တွေ့ကြုံမှသိလိုက်ရတာက အချစ်ဆိုတာ ရိုးရိုးလေးနဲ့ရှင်းရှင်းလေး..... နွေးနွေးလေးနဲ့ထွေးထွေးလေးပါပဲ...... Romance, Funny & Sweet😍 Cover by YonDi�...
