#Unicode
ဂျောင်ဂုအိမ်အောက်ထပ်ကိုဆင်းလာတော့ထမင်းစားခန်းမှာပြင်ဆင်ပေးနေသောအမကိုတွေ့ရသည်။
"အကိုလေး နိုးပြီလား ထယ်ယောင်းလေးကဘာကြိုက်လဲမသိဘူး ရှိတာဆိုလို့ပေါင်မုန့်ပဲရှိနေတယ်"
"ရပါတယ် အမ သူပေါင်မုန့်မစားရင်ကျောင်းပို့ရင်းတစ်ခုခုဝင်ကျွေးလိုက်မယ် အမမီးဖိုခန်းထဲမှာလာမလုပ်ပါနဲ့ သူလည်းကျောင်းသွား ကျွန်တော်လည်းရုံးသွားနဲ့ အိမ်မှာမစားဖြစ်မှာများတယ် နားနားနေနေ နေပါ အမကကိုယ်ဝန်နဲ့လေ"
"ဟုတ်ကဲ့ အကိုလေး"
သူမတို့ တွေနေတာဂျွန်မိသားစုအိမ်မှာကြာပြီ။အထူးသဖြင့်အကိုလေးက အရာရာကိုနားလည်ပေးကာ အလုပ်သမားတိုင်းကို မိသားစုလိုသဘောထားပြီး လေးလေးစားစားဆက်ဆံတက်သည်။အကိုလေးအရင်ကချစ်သူကောင်မလေးရှိခဲ့ဘူးသည်။နိုင်ငံခြားကိုထွက်သွားတဲ့ကောင်မလေးပြီးရင် အကိုလေးဂရုစိုက်ဆုံးလူကထယ်ယောင်းလေးသာဖြစ်သည်။သူမကတော့အရင်ကောင်မလေးထက် ထယ်ယောင်းလေးနဲ့သာ သဘောတူသည်။သူမတို့အကိုလေးကသဘောကောင်းသလောက် အရင်ကောင်မလေးကမောက်မာသည်။
"အမ နေ့ခင်းကြကုန်တိုက်သွားပြီး အမနဲ့အကိုလိုအပ်တာလေးတွေဝယ်နော် ဒီမှာကဒ် လိုတာသုံးသာသုံးခဲ့နော်"
"ရပါတယ်အကိုလေးရဲ့ ကျွန်မတို့ကို
ဖွားဖွားကြီးကပိုက်ဆံထည့်ပေးလိုက်သေးတယ်"
"အဲ့ဒါတွေစုထားနောက်ကြကလေးအတွက်သုံးပေါ့ အခုကကျွန်တော့်အိမ်မှာ အကိုနဲ့အမနေပေးတာကိုကကျေးဇူးတင်နေတာပါ အဲ့ဒါကြောင့်လိုအပ်တာဝယ်ခဲ့နော်အမ နေ့ခင်းကြအကိုနဲ့သွား"
ထယ်ယောင်းမှာအပေါ်ထပ်လှေကားအကွယ်ကနေနားထောင်နေမိသည်။ဂျွန်ကသူတွေ့ဖူးသမျှထဲမှာ အလုပ်သမားတွေအပေါ်ဆက်ဆံတာမိသားစုစိတ်ဓာတ်အပြည့်ရှိသောသူဖြစ်သည်။
ထယ်ယောင်းလည်းကိုယ့်အခန်းထဲကူးကာရေချိုးခန်းဝင်နေလိုက်သည်။ကျောင်းကသွားမှရမည်စာမေးပွဲဖြေရတော့မှာဖြစ်သည်။ကျောင်းပိတ်ရင် မေမေတို့ဆီသွားမယ် ဂျွန်ကိုပူဆာရင်အဘိုးလက်ထဲက passport ကအမြန်ဆုံးရောက်လာနိုင်သည်။
STAI LEGGENDO
Simplicity of love √Completed √
Storie d'amoreအချစ်ဆိုတဲ့အရာကိုထူးဆန်းတယ်ဆိုပြီးထူးဆန်းစွာဖြစ်ပေါ်လာမယ့်အချစ်မျိုးကိုစိတ်ကူးထဲပုံဖော်နေမိတာ...... တကယ်လက်တွေ့ကြုံမှသိလိုက်ရတာက အချစ်ဆိုတာ ရိုးရိုးလေးနဲ့ရှင်းရှင်းလေး..... နွေးနွေးလေးနဲ့ထွေးထွေးလေးပါပဲ...... Romance, Funny & Sweet😍 Cover by YonDi�...
