#Unicode
ဂျောင်ဂု ကုမ္ပဏီကနေချက်ချင်းပြန်လာရသည်။
သားလေးကမနေ့ကရေကူးတာကြာသွားပြီးနေမကောင်းဖြစ်နေသည်။
"သားလေး..ဒယ်ဒီပြန်လာပြီ"
"ဒယ်ဒီ....သားရဲ့မျက်လုံးတွေပူနေတယ်"
အဖျားရှိတော့မျက်ဝန်းတွေအပူဟပ်ပြီးမျက်ရည်ပူကကြနေသည်။
မျက်တောင်လေးတွေကစင်းနေပြီး
သားက သူ့ပါးပါးပေါ်မှာအီနေသည်။
"ဂျွန်...သားကဘာမှကျွေးမရဘူး
ခေါင်းခါနေတော့တာ"
"ပေးကိုယ်ချီလိုက်မယ်.....
သားလေးကိုဒယ်ဒီကရေပတ်တိုက်ပေးမယ်နော် အေးသွားအောင်လို့"
ဂျောင်ဂုချော့ခေါ်ပြီးပွေ့ချီလိုက်ရသည်။
သားကကျန်တဲ့အချိန်အနေအေးသလောက် နေမကောင်းတဲ့အချိန်ဆိုရင်တော့နည်းနည်းဂျီကျတက်သည်။
သားဖြစ်ရင်ဘေဘီကပါငိုတော့တာ။
"အဲ့ဒါကြောင့်မနေ့ကပြောတယ်
ရေကူးကန်ထဲအကြာကြီးမနေကြနဲ့ဆိုတာကို သားဖနှစ်ယောက်လုံးလူကိုအရေးမလုပ်ကြဘူး"
"ဘေဘီရာ....ကလေးနေမကောင်းတာကိုဆူမနေပါနဲ့တော့"
ထယ်ယောင်းလည်းသက်ပြင်းချပြီး
ရေပတ်တိုက်ဖို့ရေဇလုံသွားပြင်ရတော့သည်။
ရေပတ်တိုက်ပြီးချည်သားဝမ်းဆက်လေးလဲပေးကာ ဆေးတိုက်ဖို့ပြင်နေတဲ့ဂျွန်နားမှာသားကိုချီပြီး လမ်းလျှောက်နေရသည်။
"သားလေး ဆေးသောက်ဖို့
ကိတ်ပျော့ပျော့လေးစားလိုက်နော်"
သူ့ဒယ်ဒီပြောတာကိုထယ်ယောင်းပုခုံးပေါ်တင်ထားတဲ့ခေါင်းလေးကခါပြနေသည်။
"အဲ့ဒါဆိုပါးပါးပြုတ်ပေးတဲ့နို့ဆန်ပြုတ်လေးသောက်မလားသားလေး"
"နို့ဆန်ပြုတ်သောက်ပြီးရင်သားကဆေးပါသောက်ရမှာလား ပါးပါး"
ခေါင်းလေးထောင်လာပြီး
ထယ်ယောင်းမျက်နှာကို သားကကြည့်မေးလာသည်။
"ဒါပေါ့သားလေးရဲ့ အဲ့ဒါမှနေကောင်းမှာပေါ့"
"အဲ့ဒါဆို ကုန်တိုက်မှာတွေ့ခဲ့တဲ့ အရုပ်ကိုပါးပါးကဝယ်ပေးမှာလား"
သားကပြောလို့ ဂျွန်ကိုလှမ်းကြည့်လိုက်တော့ သူ့သားကိုကြည့်ပြီးရယ်နေတော့တာ။
YOU ARE READING
Simplicity of love √Completed √
Romanceအချစ်ဆိုတဲ့အရာကိုထူးဆန်းတယ်ဆိုပြီးထူးဆန်းစွာဖြစ်ပေါ်လာမယ့်အချစ်မျိုးကိုစိတ်ကူးထဲပုံဖော်နေမိတာ...... တကယ်လက်တွေ့ကြုံမှသိလိုက်ရတာက အချစ်ဆိုတာ ရိုးရိုးလေးနဲ့ရှင်းရှင်းလေး..... နွေးနွေးလေးနဲ့ထွေးထွေးလေးပါပဲ...... Romance, Funny & Sweet😍 Cover by YonDi�...
