Unicode & Zawgyi
Unicode
မောင့်ရဲ့အသက်နဲ့ထပ်တူချစ်ရပါသောငယ်.......မောင်မပေးနိုင်ခဲ့တဲ့အချစ်တွေနဲ့နွေးပါစေကွယ်။
***ချစ်ရပါသောငယ်***
"လမ်းခွဲရအောင်ငယ်......"
ငယ့်အားချစ်ရေးဆိုခဲ့သောနေ့မှစ၍သေဆုံးသည့်နေ့တိုင်မပြောပါဟုသစ္စာခံခဲ့သောထိုစကားကိုပြောလိုက်ရခြင်းသည်ရင်ဘတ်အားမီးနှင့်ရှို့သလိုပူလောင်ပါလေ၏။
"အကြောင်းပြချက်ကရော.....ပြောပါမောင်ရဲ့....အသက်လောက်ချစ်ပါတယ်ဆိုတဲ့ငယ့်ကိုလမ်းခွဲရတဲ့အကြောင်းပြချက်ကိုပြောပါမောင်ရယ်"
"အချစ်ဆိုတာပြောင်းလဲတတ်တယ်ထင်ပါရဲ့ငယ်ရယ်....."
"မဟုတ်ဘူးမောင်.....တခြားအကြောင်းပြချက်ပေး....ငယ့်ကိုမချစ်တော့ဘူးဆိုတဲ့အကြောင်းပြချက်ကလွဲပြီးကျန်တာအကုန်လုံးကိုပေး....မပြောပါနဲ့မောင်ရယ်....ကျေးဇူးပြုပြီးမချစ်တော့ဘူးလို့မပြောပါနဲ့....."
ငယ့်ရဲ့မျက်ရည်များကိုမြင်ရခြင်းပူလောင်ရပါသည်။မြစ်ပြင်ကျယ်ကိုဖြတ်ပြီးတိုက်ခတ်လာသောလေနုအေးများကပင်ကျွန်တော့်အသည်းနှလုံး၏အေးချမ်းမှုကိုဆောင်ကျဉ်းနိုင်စွမ်းမရှိပေ။
"တောင်းပန်ပါတယ်ငယ်....."
"ရတယ်မောင်....မချစ်တော့လို့လည်းဖြစ်တယ်.....ဒါပေမဲ့မှတ်ထားရမှာကကိုယ့်ကိုမချစ်တော့တဲ့သူကိုရူးရူးမိုက်မိုက်နဲ့ဆက်ချစ်နေတယ်ဆိုတာDramaတွေမှာပဲရှိတယ်ဆိုတာကို......ဒါဆိုနောက်ဆုံးအနေနဲ့နှုတ်ဆက်ခဲ့ပါတယ်မောင်"
ထွက်ခွာသွားသောကျောပြင်ငယ်အားရက်စက်လွန်းသူဟုအပြစ်မတင်ရက်ပါ။ကျွန်တော်သည်ငယ့်အားချစ်၏။ထို့အတူငယ်သည်လည်းကျွန်တော့်အားချစ်နေသေးသည်။သို့သော်ကျွန်တော်တို့၏ချစ်ခြင်းကားတည်မြဲမည့်ကံပါမလာလေတော့ခွဲကြရပေသည်။
မောင်တို့ကမဝေးကွာနိုင်သောခွဲခွာခြင်းနဲ့နှုတ်ဆက်ခဲ့ကြတာပါငယ်ရယ်။
YOU ARE READING
The invisible string between us(Kookjin short stories)
Fanfictionကျွန်တော်တို့နှစ်ယောက်ကြားမှာမမြင်နိုင်တဲ့ကြိုးလေးရှိတယ်အစ်ကို။ ကြၽန္ေတာ္တို႔ႏွစ္ေယာက္ၾကားမွာမျမင္ႏိုင္တဲ့ႀကိဳးေလး႐ွိတယ္အစ္ကို။
