#Unicode
ဧည့်ခန်းထဲမှာဖုန်းဆက်နေသော
ဂျောင်ဂုကိုထယ်ယောင်းလည်းရပ်ကြည့်နေလိုက်သည်။အလုပ်တွေကိုပြောဆိုဖြေရှင်းနေတာတွေ ငွေအကြောင်းတွေပြောနေတာတွေက
တိကျလွန်းစွာနဲ့ပိုင်နိုင်နေသည်။ကိုကိုကဘာမဆိုတော်နေတော့တာပါပဲ။
"ထယ် ကိုကို ကားထဲမှာဖိုင်တစ်ခုသွားယူလိုက်အုံးမယ် ကျန်ခဲ့လို့"
"ဟုတ်ကိုကို တံခါး password က
121030 နော်"
"မကြောက်ဘူးလားကိုကိုက password သိရင်အမြဲလာနေတော့မှာနော်"
"ကြောက်တယ်ဆိုရင်ရော ယုံမှာမလို့လား"
"ဒါပေါ့...သေချာပေါက်မယုံဘူးပေါ့"
ပြိုင်တူရယ်ရင်းထယ်ယောင်းဆံပင်လေးကိုလက်နဲ့ဆွဲဖွကာ ကားပါကင်သို့သာဆင်းလာခဲ့လိုက်သည်။ဖိုင်ယူနေတုန်းမှာပင်ဖုန်းလာလို့ကိုင်ဖြစ်သွားသည်။
"ယူမီ ပြော"
"ကို အန်တီ့ကိုပန်းလာပို့တာ အန်တီက
ကိုအလုပ်လေးရှိလို့ပြန်မလာဖြစ်ဘူးလို့ပြောလို့ ယူမီရုံးခန်းကိုစားစရာလေးတွေလာပို့ရမလား"
"ကိုယ်က ရုံးခန်းမှာမရှိဘူးယူမီ မနက်ဖြန်အားလား ကိုယ်ပြောစရာရှိလို့တွေ့ကြရအောင် "
"အားရင်ပြန်ပြောမယ်နော် ယူမီဖုန်းချလိုက်တော့မယ်"
ဂျောင်ဂုဒါကိုမြန်မြန်ဖြေရှင်းချင်ပြီ။
ဖွင့်မပြောမချင်းယူမီကိုလည်းအားနာနေရသည်။ကိစ္စတွေကထင်သလောက်ရိုးရှင်းနေပါ့မလားလေ။တံခါးဖွင့်ပြီးဝင်လာတော့TVကိုစိတ်ဝင်တစားကြည့်နေသောထယ်ယောင်းကိုတွေ့လိုက်ရသည်။ဂျောင်ဂုရဲ့တံခါးပိတ်သံကြောင့်ထင်ပါရဲ့နောက်ကိုလှည့်ကြည့်လာသည်။
"ကိုကိုရေ သတင်းထဲမှာလေJeon groupရဲ့ဝန်ထမ်းများအားလုံးစုပေါင်းအလှူဆိုပြီးပါလာတယ် ကိုကိုရောဝန်ထမ်းတွေရောပါလာတာ"
"ဟုတ်တယ်ထယ်ရဲ့....ကိုကိုတို့တွေစုပြီးလှူကြတာလေ တစ်နှစ်မှာ၂ခါလှူတယ် မိဘမဲ့ဂေဟာနဲ့ အဘိုးအဘွားစောင့်ရှောက်ရေးစင်တာနဲ့ကိုမျှလှူတာပေါ့ ရုံးမှာအလှူခံထည့်လို့ရတဲ့ပုံးလေးထားပေးထားတယ်လေ နေ့တိုင်းနဲနဲစီထည့်ကြသလို လကုန်လို့လခရရင်လည်းတက်နိုင်သလောက်ဝန်ထမ်းတွေကထည့်ကြတယ် ကိုကိုတို့ရှယ်ယာရှင်တွေလည်းအဲ့အတိုင်းထည့်ကြတယ် ရုံးကိုလာတဲ့ဧည့်သည်တွေထည့်တာတွေလည်းပါသေးတယ်"
YOU ARE READING
Be Happy √ Completed √
Romanceချစ်တဲ့သူတွေကို ပျော်ရွှင်စေချင်တယ် စိတ်ချမ်းသာစေချင်တယ် အဆင်ပြေစေချင်တာဟာ....... သိမ်မွေ့တဲ့အဖြူရောင်အတ္တလေးပါ..... နူးညံ့သောချစ်ခြင်းမေတ္တာတွေ အားပြင်းစွာတွေ့ဆုံကြသောအခါ..... Cover By YonDi💜 [Own Creation ]
