#Unicode
ကုမ္ပဏီကအပြန်မှာ ထယ်ယောင်းကသူ့တိုက်ခန်းကိုလိုက်မလားလို့ခေါ်ပေမယ့်ဂျောင်ဂုငြင်းလိုက်မိသည်။ဒါပထမဦးဆုံးထယ်ယောင်းကိုသူငြင်းလိုက်မိခြင်း။
"ကိုကို မလိုက်တော့ဘူး ကားကိုဂရုစိုက်မောင်းနော်"
"ဟုတ်ကဲ့ ကိုကို သွားတော့မယ်နော်"
ထယ်ယောင်းကားပေါ်တက်ပြီးကားလေးထွက်သွားတဲ့အထိဂျောင်ဂုငေးကြည့်နေတာကိုကားရဲ့ဘေးမှန်ကတစ်ဆင့်မြင်နေရသည်။စိုးရိမ်စိတ်တွေလွန်ကဲတက်ရန်ကော ကိုကိုရေ။ကျွန်တော့်ရွေးချယ်မှု့က ကိုကို့ ကိုပျော်ရွှင်စေပါ့မလား။အမ ယူမီကရောအမှန်တကယ်ပျော်ရွှင်ရမလား။အိမ်ထောင်ရေးကရောအဆင်ပြေပါ့မလား။ပိုဆိုးသွားမယ်ဆိုရင်တော့ ကျွန်တော်တို့ဝေးကြရတာ မတန်ဘူးလေ။အတ္တဆိုတာတော့ ကျွန်တော့်မှာလည်း အနည်းငယ်တော့ရှိတယ်။
"သား ယူမီခုနကပဲ ပြန်သွားတယ် မနက်ဖြန်မေမေ့ကို ပွဲမှာဝတ်ဖို့ဝတ်စုံကိုကြည့်ဖို့လာခေါ်မယ်တဲ့ ပြီးတော့....."
"ပြီးတော့ ဘာဖြစ်လဲ မေမေ"
ဂျောင်ဂုအိမ်ရောက်တာနဲ့ဧည့်ခန်းမှာထိုင်စောင့်နေသောအမေ့ကိုနှုတ်ဆက်လိုက်သည်။ယူမီလာသွားတဲ့အကြောင်းပြောနေရင်းအမေက ခဏစကားရပ်ပြီးဂျောင်ဂုကိုကြည့်နေသည်။ပြီးမှသက်ပြင်းတစ်ချက်ချကစကားဆက်ပြောသည်။
"သားနဲ့ ထယ်လေးအကြောင်းကို မေမေ့ကိုပြောသွားတယ် သားသူ့ကိုပြောလိုက်တဲ့အကြောင်းရောပေါ့"
"ဟုတ်တယ် မေမေ အဲ့လိုပဲဖြစ်သွားတယ်"
"မေမေသိပါတယ် မေမေကသားရဲ့မေမေပါ ထယ်လေးပျောက်သွားတော့သားလိုက်ရှာခဲ့တာပဲလေ အခုလိုအခြေအနေမှပြန်တွေ့ကြတာက ကံကောင်းတာလား ဘာလားမသိပေမယ့် သားလည်းသိမှာပါ လူသိရှင်ကြားတွဲနေတဲ့မိန်းကလေးတစ်ယောက်နဲ့ ငယ်ငယ်ကခဏတာသိခဲ့တဲ့ကောင်လေးတစ်ယောက် သားရွေးချယ်ရမယ့်သူကဘယ်သူလဲဆိုတာ သားအသိဆုံးပါ နှလုံးသားကချစ်လို့ရတယ်သား ဦးနှောက်နဲ့တော့ဆုံးဖြတ်ပါ"
"ခဏတာတွေ့ခဲ့တယ်တဲ့လားမေမေ အဲ့ကလေးပျောက်သွားခဲ့တာ သားကြောင့်လေ သားနဲ့တွေ့ခဲ့မိလို့ အခုလိုနာကျင်နေရတာ ပြီးတော့ကျွန်တော်မချစ်နိုင်ပါဘဲနဲ့ ယူမီ့ကိုလည်းစိတ်ဒုက္ခမပေးချင်ဘူး တစ်သက်လုံးအဲ့ဒီအိမ်ထောင်ရေးက သာယာမှာမဟုတ်ဘူးမေမေ"
YOU ARE READING
Be Happy √ Completed √
Romanceချစ်တဲ့သူတွေကို ပျော်ရွှင်စေချင်တယ် စိတ်ချမ်းသာစေချင်တယ် အဆင်ပြေစေချင်တာဟာ....... သိမ်မွေ့တဲ့အဖြူရောင်အတ္တလေးပါ..... နူးညံ့သောချစ်ခြင်းမေတ္တာတွေ အားပြင်းစွာတွေ့ဆုံကြသောအခါ..... Cover By YonDi💜 [Own Creation ]
