#Unicode
ဂျောင်ဂုတစ်ယောက်မနက်အစောကြီးထကာ ပဲပေါင်မုန့်လုပ်နေရင်း သူနဲ့မေမေစပြီးလုပ်ကြည့်နေသောအုန်းသီးကိတ်လေးကိုပါလုပ်သွားပြီးထယ်ကိုမြည်းကြည့်စေရန်စဉ်းစားရင်းကိတ်လေးပါလုပ်နေလိုက်သည်။
"သားအုန်းသီးကိတ်ပါလုပ်နေတာလား"
"ဟုတ်မေမေ"
"အဲ့ကိတ်ကိုသားနောက်ကြမှmenu ထဲထည့်မယ်ဆိုလို့မေမေတောင်မရောင်းရဘူး"
"ဟီး မေမေ နောက်မှရောင်းမယ်နော်အခုကထယ်စားဖို့လေ"
"မေမေကထယ်လေးကိုသတိရပါတယ်လို့ပြောပေးနော် သားမွေးနေ့ကြထယ်ကိုခဏလာလို့ရရင်လာခိုင်းပါလား"
"မဖြစ်ပါဘူး မေမေရယ် သူ့အဖွားသိရင်ကလေးမလွယ်ဘူး"
"ဟုတ်ပါတယ်လေ"
သူ့အဖွားကိုကြောက်လို့မဟုတ်ပေမယ့်ထယ်အနေခက်မှာစိုးရိမ်တယ်။အခုအခြေအနေကကာကွယ်ပေးလို့မရသေးတဲ့အချိန်ဖြစ်နေသည်။ဂျောင်ဂုအားလုံးပြီးစီးသွားတော့ဘူးလေးတွေထဲမှာမုန့်တွေထည့်လိုက်သည်။မနက်စာစားကျောင်းသွားဖို့ပြင်နေရင်း အိမ်ရှေ့မှာကားဟွန်းတီးသံကြားလိုက်ရသည်။သေချာတာတော့ယူမီလာခေါ်တာဖြစ်လိမ့်မည်။ကျောပိုးအိတ်ယူကာအိမ်ရှေ့ထွက်လာတော့ယူမီက ကားပေါ်မှဆင်းစောင့်နေသည်။
"ဂျောင်ဂု ဒီနေ့လည်းယူမီနဲ့ပဲလိုက်ခဲ့နော်"
"ယူမီ နောက်နေ့ကြလာမခေါ်ပါနဲ့လမ်းလဲကျဉ်းတော့ကားအဝင်အထွက်ခက်မှာစိုးလို့ကျွန်တော်လဲ ဂျင်ဂူးကိုထားပြီးသွားရတာအားနာတယ်"
"Ok တစ်ခါတစ်လေပဲလာခေါ်ခွင့်ပြု
သွားကြမယ်"
ဂျောင်ဂုကိုပြုံးပြကာ ကားပေါ်သို့သွက်သွက်လက်လက်တက်သွားသောကောင်မလေး။စတွေ့ထဲကရင်းနှီးစွာပြောဆိုနေထိုင်သည်။သဘောကောင်းတယ်ပွင့်လင်းပြီးထက်မြတ်တယ်။
"လက်ထဲက မုန့်တွေလား နေ့လည်စာအတွက်လားဂျောင်ဂု"
"အာ..မဟုတ်ပါဘူး ကျောင်းက အရင်ထဲကသိနေတဲ့ကလေးလေးအတွက်ပါ"
ယူမီကဘာမှဆက်မမေးပဲသူ့ရဲ့သွားတက်လေးပေါ်အောင်ပြုံးပြကာခေါင်းတဆက်ဆက်ငြှိမ့်ရင်းပြန်လှည့်သွားသည်။ကျောင်းပေါက်ရောက်တော့
ကားရပ်ပေးကာဂျောင်ဂုလည်းယူမီကိုနှုတ်ဆက်ပြီးဆင်းလာလိုက်သည်။
YOU ARE READING
Be Happy √ Completed √
Romanceချစ်တဲ့သူတွေကို ပျော်ရွှင်စေချင်တယ် စိတ်ချမ်းသာစေချင်တယ် အဆင်ပြေစေချင်တာဟာ....... သိမ်မွေ့တဲ့အဖြူရောင်အတ္တလေးပါ..... နူးညံ့သောချစ်ခြင်းမေတ္တာတွေ အားပြင်းစွာတွေ့ဆုံကြသောအခါ..... Cover By YonDi💜 [Own Creation ]
