ကြွေပန်း(Unicode+Zawgi)

Part(12)

Unicode//

ကျွန်တော့်နှင့် အကြည့်ချင်းဆုံခိုက် အပြုံးတစ်ပွင့်ဖြင့်သာ တုန့်ပြန်သည် ။ အကိုဆိုသော ဘေးရှိလူထံသို့ မျက်ဝန်းများက ပြန်လည်ရောက်ရှိသွားခဲ့သည် ။

သေချာတာတစ်ခုကား အခုထိ မသိသေးဘူးဆိုသည်ပင် ။
ကိုနေသူရိန်‌ဆုံးပြီဆိုသည့်အကြောင်း ငယ်လေး မကြားသေးသည်ဘဲ ဖြစ်မည် ။

အနှောင့်အယှက်တစ်ခုအဖြစ်တော့ မဖြစ်ချင်ပါ ။
အပျော်တွေပျောက်အောင်လုပ်တဲ့သူလည်း မဖြစ်ချင်ပါ ။
လက်ထဲရှိ လိပ်စာမှတ်ထားသော စာရွက်လေးအား အိတ်ကပ်ထဲပြန်သိမ်းကာ အတန်းထဲပင် ပြန်သွားတော့မည် ။

ညီအစ်ကိုအရင်း မဟုတ်ဘူးဆိုသောကြောင့်
ကျွန်တော့်ရင်ထဲ ပူလောင်လာသည် ။
ငယ်လေးရဲ့မျက်ဝန်းတွေကို ကျွန်တော် နားလည်နေသည် ။
အကိုဆို‌ေသာသူအား မနာလိုမိသည် ။
သူ့နေရာတွင် ကျွန်တော်သာ ဖြစ်လိုက်ချင်တော့သည် ။

မင်းရဲ့ရွေးချယ်မှုကား ကိုယ်ဖြစ်ခွင့်မရှိခဲ့ပြီဆိုတောင်
ကိုယ့်အတွက်က အရာရာကို ပေးဆပ်ချစ်နေဆဲပါ လူသားငယ်.......
ပိုင်ဆိုင်ခြင်းကိုမှ အချစ်ဟု သတ်မှတ်မည်လား ။
မပိုင်ဆိုင်ရလည်း ဖြစ်ပါသည် ။
ကိုယ့်အတွက် ချစ်နေရခြင်းကိုက အချစ်ပင်မို့........

ပျော်ရွှင်နေသော လူသားနှစ်ဦးကား ကျောခိုင်းလျက်
အတန်းထဲသို့ ပြန်လာသော ခြေလှမ်းများကား တုန့်နှေးနေခဲ့သည် ။ မျက်ဝန်းထဲတွင် မိုးသားတိမ်ဆိုင်တစ်ခုကား ကြီးစိုး၍လာသည် ။

" မင်းကို ကိုယ့်အသက်ထက်ပိုချစ်တယ် ငယ်..... "
" မင်းပျော်ရွှင်ဖို့အတွက်သာ ကိုယ့်အတွက် အဓိကအရာ....."

နာကျင်မှုများအား လူသားလေးတစ်ယောက်၏အပြုံးများနှင့်ပင် ပျောက်ကွယ်၍ရပါသလား......
ကျွန်တော်သာဆိုရင်တော့ အပြုံးတစ်ပွင့်ဖြင့် နာကျင်မှုအားလုံးကို မျက်ကွယ်ပြုနိုင်ပါသည် ။

မျက်ဝန်းထဲရှိ မိုးသားတိမ်ဆိုင်အား မျက်တောင်ရှည်များကို ပုတ်ခပ်ကာ ပျောက်ကွယ်သွားစေသည် ။
နှုတ်ခမ်းပါးထက် အပြုံးတုတစ်ခုကို ဆင်မြန်းရင်း
အတန်းထဲတွင် နေရာတကျ ဝင်ထိုင်လိုက်သည် ။
အတန်းတက်ချိန်လည်း နီးကပ်နေလေပြီ ။