We Said Never (City Series #3)

Chapter 13

Malakas ang sigaw ng mga tao pagkapasok ko ng gym. Medyo weird na late ang finals ng BBEAL this year, pero okay na rin. Hindi naman kami whole day sa klase ngayon dahil short term, kaya may oras akong manuod ng laro nina Ezra.

"Akala ko SLU versus UC?" tanong ko kay Olivia sa tabi ko.

I carefully screened the people around us. Hindi ko mahahanap sina Lia dito.

"UB ang kalaban nila, baliw!" sabi ni Olivia. "Thanks, Vale."

Tumango si Vale sa kaniya habang hawak hawak ang kaniyang braso, dahil onting pag-out of balance na lang ay titilapon na si Olivia sa mga basketball players na nasa bangko.

"Baby mo, oh," Siko ni Olivia sa akin pagkaupo namin.

Silang dalawa ni Vale ang ka-block ko this short term. Si Raffy kasi, sumunod sa enrollmate date niya at sa Block A napunta. Matataas kasi ang grades. Si Vale rin dapat, pero nung nalaman niyang hindi ako sasabay ay hindi na rin siya nag-enroll. Kaya naman magkaklase kami this term. Si Heidi, matalino rin kasi kaya sa Block A rin ata napadpad.

"Wooooooh!" sigaw ko nang maka-shoot si Ezra ng isang 3-point shot, kahit na alam kong hindi niya naman maririnig. Napakaraming tao ngayon. Siguro dahil ay summer na rin, maraming free time.

"Wow, proud girlfriend." Ngumisi si Olivia.

Hindi ko naitago ang ngiti ko. Proud girlfriend. Mahigit isang buwan na ang lumipas ever since.. that night. And yet, every time I'm reminded that he's my boyfriend, my real and actual boyfriend, parang nakakapanibago pa rin.

"Oo naman, gwapo kaya ng syota ko!" Tumawa ako.

"Ena." Umiling si Vale.

Tumawa naman ako sa itsura niya. He really hates the word 'syota' dahil ang pangit daw pakinggan.

"Edi jowa!"

"Just call him your boyfriend." Vale sighed.

"Ang gwapo talaga ng boyfriend ko!" Malakas kong sabi. "Sana all may label, diba?"

Sinamaan ako ng tingin ni Vale kaya nginisian ko siya. Tumawa naman si Olivia sa isang tabi ko. "That's the spirit!"

Mas lumakas ang mga sigaw ng mga tao dahil naka-puntos nanaman si Ezra. Sobrang nag-step up talaga siya ever since Claude left. And he plays well with Lance, and the other guys, too.

"NOESTRO ANG GWAPO MO!"

"WOOOOOH ALVEREZ!"

"LET'S GO MENDOZA!"

"KAY NOESTRO PA RIN UUWI!"

Mas lumaki ang ngiti ko sa mga naririnig kong sigaw tungkol kay Ezra. I couldn't be more proud.

Same energy, girls. Same energy.

"HOY, NOESTRO! TINGIN KA DITO! NANDITO GIRLFRIEND MO!" sigaw bigla ni Olivia sa tabi ko, kaya naman napatingin ang ibang mga tao sa kaniya.

Nanlaki ang mga mata ko. Ang bunganga talaga netong babaeng 'to. Mas mabunganga pa kesa sa akin, eh!

Si Ezra naman, mukhang narinig ang sinabi ni Olivia, pero hindi alam kung saan galing. He looked around him, pero naguluhan lang siya kung saan nanggaling yung sigaw.

"Ang hina naman netong boyfriend mo, Ena." Nagbuntong hininga si Olivia.

"Liv, wag—"

"DITO, NOESTRO! TINGIN DITO!"

Looks like Ezra finally found the direction of the voice, and we immediately saw each other. Nawala ang pag-kunot ng noo niya at may maliit na ngiti na lumabas sa labi niya.