The Desperate Wife

Chapter 24

Isang ordinaryo na namang araw sa kompanya, at abala pa rin ang lahat sa trabaho lalo na ngayon na may hinahabol na deadline dahil magtatapos na naman ang buwan. Si Sandra naman, hindi pa rin tapos sa pag-eencode ng mga inutos sa kanya ng kanyang boss hubby, kaya ngayon, nagkasalubong ang kanyang mga kilay habang nakatutok sa kompyuter na napaghalataang seryoso sa ginagawa.

Sa kalagitnaan ng kanyang pagta-type, nakarinig ito ng mga pagkatok. Nakatalikod kasi ito sa pintuan kaya hindi na niya nagawang lumingon dahil ayaw niyang mawala ang atensyon sa kanyang ginagawa.

Pumasok ang binata sa opisina ng kaibigang si Keith at bumungad sa kanya ang likod ng sekretarya nito. Napa- 'oh' ang kanyang labi nang mapagmasdan ang kabuuan nito mula sa likuran. Sa isipan nito, sumeksing lalo si Shane, humaba at kumulot ang buhok nito, at mas naging maayos ang pormahan. New look? He thought.

"Hi Shane, nasa loob ba ang Sir Keith mo?" Saad niya sa tonong nagpapacute.
Inikot naman ni Sandra ang swivel chair niya para makita ang taong nagmamay-ari ng isang pamilyar na tinig. Pareho silang nagulat nang makita ang isa't-isa.

"S-Sandra, what are you doing here? Where's Shane?"

"Hi Gab, I'm the new executive secretary. Pinalipat pansamantala si Ate Shane sa HR dep." Ngumiti si Sandra kay Gab na hindi pa rin makapaniwala. Sabay na lumingon ang dalawa sa pintuan nang pumasok doon si Joseph na nagulat ding makita siya.

"Joseph, you can't believe this! Sandra  is Keith's new secretary." Tumingin ulit sa kanya si Gab.

"Bakit ka nandito? Di ba heiress ka?" Nakapamulsa si Joseph na ngayon ay nasa tabi na ni Gab at naghihintay din sa sagot niya.

"I took my training here. Si Keith ang nagtrain sa akin at the same time I'm working as his secretary." 

Abala si Keith sa pagbabasa ng mga proposals nang marinig ang ingay ng mga boses mula sa labas. Naiinis siyang tumayo para pagalitan kung sino ang mga nangdidisturbo sa kanila ni Sandra.

"Kakaiba ka talaga Sandra!" Boses na sumalubong sa kanya pagbukas niya ng pintuan.

"Gab? Joseph?"

"Keith! You did not tell us that Sandra's working with you here!" Keith rolled his eyes in annoyance.

"Ako naman siguro ang pinunta niyo dito, di ba? Nandito ang office ko. Madaming ginagawa si Sandra, pwede ba huwag niyong disturbohin?" Napangisi si Gab sa narinig mula sa kaibigan at si Joseph naman ay sumunod kay Keith na pumasok ulit sa loob ng office nito.

"Talk to you later." Gab winked at her. Napailing-iling nalang si Sandra sa kapilyohan nito.

"Gab!"

"Alright! Alright! I'm coming!" Gab shouted back at Keith.

"Sungit naman ng boss mo!" Huling saad nito kay Sandra at sumunod na sa mga kaibigan sa loob.

"Ano bang ginagawa niyo dito?" Tanong ni Keith na nakapamulsa pa at nakatingin ng masama kay Gab na kumukuha ng inumin sa mini wine counter.

"Chill, bro. Magpahinga ka naman ang init na ng ulo mo. Umupo ka nga." Nilatag ni Gab sa mesa ang tatlong baso at sinalinan ng alak.

"Just Chill bro, tatanda ka ng maaga kapag palagi kang galit. Drink this." Tinapunan pa rin ni Keith ng masama  na tingin si Gab at umupo sa tabi ni Joseph. Kinuha niya ang isang baso at ininom ito.

"Ano bang meron?" Tanong nito matapos matungga ang alak.

"Ouch bro. Kinalimutan mo na nga ako." Humahawak-hawak pa sa kanyang dibdib si Gab at nagddramang nasasaktan. Pilit namang inaalala ni Keith kung anong meron.