Nag-uumpisang muli
matapos tumakbo papalayo
sa isang hating imahe.
Ang kalahati ay bigay nang bigay.
Ang kalahati ay tanggap nang tanggap.
Nakapapagod na ang aking kabuuan
ay magkasalungat at di kailanman
magtatagpo.
Kaya't pinili kong umalis
para hanapin kung nasaan ang katamtaman.
Ang sapat. Ang buo.
Tatanawin kong utang na loob
ang pagsipot mo sa aking buhay
sa tamang oras at panahon
kung kailan pinababalutan
ako ng dilim.
YOU ARE READING
Mga Lihim na Liham ni Maria Kina Juan at Juana
PoéziaKatulad ng pamagat, nakikiusap ang manunulat na panatilihin munang lihim ang tipon ng mga tula na ito. Nais muna niyang magulumihanan, sumaya't masaktan habang unti-unting hinuhulma ang hindi tiyak na hinaharap ng kanyang pag-ibig. Kasing gulo ng...
