Iyong tinanong kung bakit ako tahimik.
Nais ko sanang maghilom muna.
Ngunit sa takot na ikaw ay umalis,
kinimkim ko na lang,
nanahimik,
umaasang mabasa mo ang aking isip.
Gusto pa kitang kilalanin
dahil ang nakikita ko lamang sa ngayon ay isang pampang.
Kung malaman mong isa akong tubig sa may malalim na hukay sa dagat,
sisisirin mo ba ako?
O matatakot ka at lalangoy pabalik?
Kaya kung maaari,
ganito na lamang muna tayo.
At kung kailan handa na ako,
ako mismo ang aahon
papunta sa iyo.
Binabalaan nga lang kita
na malalaking alon
ang iyong masasalubong.
YOU ARE READING
Mga Lihim na Liham ni Maria Kina Juan at Juana
PoetryKatulad ng pamagat, nakikiusap ang manunulat na panatilihin munang lihim ang tipon ng mga tula na ito. Nais muna niyang magulumihanan, sumaya't masaktan habang unti-unting hinuhulma ang hindi tiyak na hinaharap ng kanyang pag-ibig. Kasing gulo ng...