Masama ba
nang ako'y napangiti
dahil hinanap mo ako
kahit ako'y mahimbing lamang na natutulog?
Sabi nila'y
Samot-saring eroplanong papel ang lumipad,
at tumunog ang iyong gitara nang pagkalakas-lakas.
Sinubukan mo na nga rin yatang dumungaw sa aking bintana.
At sa aking pagkagising,
napangiti ako sa aking nalaman.
Hinanap-hanap mo raw ako.
At sa ilang araw na ako'y balisa
tungkol sa namamagitan sa atin,
ako ay muling napangiti.
BINABASA MO ANG
Mga Lihim na Liham ni Maria Kina Juan at Juana
PoetryKatulad ng pamagat, nakikiusap ang manunulat na panatilihin munang lihim ang tipon ng mga tula na ito. Nais muna niyang magulumihanan, sumaya't masaktan habang unti-unting hinuhulma ang hindi tiyak na hinaharap ng kanyang pag-ibig. Kasing gulo ng...