Duwag.
Iyan ang pagkakakilala ko sa 'yo.
Subalit kada hakbang, kada salita mo para sa akin . . .
Napagtanto kong ang pagkaduwag ng isang nilalang ay para sa mga bagay na hindi nila talaga nais.
Dahil kung tunay kang duwag . . .
bakit mo itinuloy ang tatlong salitang alam mong gigimbal sa kapayapaan nating dal'wa?
Gano'n mo ba ako kagusto? Nagugulumihanan ako.
Ang sabi mo ay hindi ka makikipaglaban dahil alam mo namang sila ang pipiliin ko.
Ngunit marami akong tinatago . . .
Tulad na lamang ng katotohanang pinipili kita.
At gusto kong maranasan mo ang piliin.
Gusto ko sanang ako iyon.
Ngunit naduduwag ako.
Paano kung hindi na natin ito naisin sa mga susunod na araw?
Kung ganoon ba ay hindi kita tunay na ninanais?
Gusto ko ng paglilinaw.
Ako'y nangangambang magbigay nang magbigay,
ngunit wala naman pala itong paroroonan.
YOU ARE READING
Mga Lihim na Liham ni Maria Kina Juan at Juana
PoetryKatulad ng pamagat, nakikiusap ang manunulat na panatilihin munang lihim ang tipon ng mga tula na ito. Nais muna niyang magulumihanan, sumaya't masaktan habang unti-unting hinuhulma ang hindi tiyak na hinaharap ng kanyang pag-ibig. Kasing gulo ng...
