Bawat pagkikita natin
tumatagal ang pahawak ng iyong kamay.
Iniisip ko kung sasabihin ko na bang minamahal kita.
Ngunit hindi pa ako sigurado.
Iniisip ko na kapag sinabi ko na ito,
wala ka nang hihintayin . . .
at baka iwan mo na ako.
Ngunit sa gitna ng alinlangan kong ito,
salamat sa pagsama sa akin,
sa paghawak ng aking kamay,
habang tinitingnan ang mga bituin sa langit
at pinakikinggan ang tunog ng mga alon.
Baka nga sapat na sa akin kung ano man ito.
CZYTASZ
Mga Lihim na Liham ni Maria Kina Juan at Juana
PoezjaKatulad ng pamagat, nakikiusap ang manunulat na panatilihin munang lihim ang tipon ng mga tula na ito. Nais muna niyang magulumihanan, sumaya't masaktan habang unti-unting hinuhulma ang hindi tiyak na hinaharap ng kanyang pag-ibig. Kasing gulo ng...