Sa Hindi Pag-Alala

Chapter 11

Hindi maalis ang tingin ko kay Marie. Nakikipag kwentuhan siya sa mga kaibigan namin habang Hinihintay na mag start ang exam. Napapansin ko naman ang pasulyap saakin ni Marie at pasimple itong tumatawa.

Ayos lang naman kung malaman ng mga kaibigan ko ang tungkol sa panliligaw ni Jan. Pero, hindi ba unfair na ang saakin ay alam nila pero ang sa kanila ay hindi ko alam?

Gustong gusto ko sabihin sa kanila, pero may parang pumipigil saakin na 'wag. Kung sasabihin ko man sa kanila, malamang ay hindi pa ngayon. Siguro kapag sinagot ko na si Jan? Pero kailan ko nga ba siya sasagutin?

"Cedes, nagri ring phone mo" Boses iyon ni Marie. Kaagad ko namang inilabas ang cellphone ko. Napagtanto ko namang naka off ang phone ko. Napapikit naman ako ng marinig ang tawanan ng mga kaibigan ko. Tumingala ako sa kanila at ngumiti ng Tipid.

"So may ine- expect kang tatawag sa'yo?" Nakangiting tanong ni Camilla.

"It's obvious, Cedes. Spill it" Si May ang nagsalita. Napahinga naman ang Is ng maluwag. Siguro nga ay dapat ko nang sabihin sa kanila. Bahala na kung hindi ko alam ang mga nangyayari sa buhay nila, ang importante ay masabi ko ang sa akin.

"Uhm..." Kinamot ko ang ulo ko at tumingin sa kanila. Si Marie naman ay napaka lapad ng ngiti.

"NililigawannaakoniJan" Dire-diretso pagsasalita ko. Hindi ko alam kung narinig nila ito.

"Ha?" Nagtatakang tanong ni Jihan.

"Nililigawan na ako ni Jan" Sabi ko at ngumiti ng may alinlangan. Nanatili silang hindi nagsasalita.

"Omg kaaaaa!" Sabay sabay nilang sigaw dahilan para pag tinginan kami ng mga kaklase namin. Nakita ko naman ang mabilis na pagtakbo nila Cheonsa at Shean papalapit saamin.

"Anong meron?" Si Shean.

"Nililigawan na siya nung crush niya!" Sigaw ni Camilla. Nahagip naman ng mata ko si Ash na nakatingin saamin at lumabas ng classroom.

"Naks naman, magkaka bebe na si Cedes!" Palakpak naman ni Cheonsa. Naghiwa hiwalay kami ng biglang dumating ang teacher namin.

Madali lang ang naging exam namin. Dahil nga minor ay hindi siya ganon kahirap.  Dagdag nalang ang konging nireview ko kagabi.

Mag-isa ako ngayong naglalakad sa damuhan ng school namin. Ewan pero sa parte ng school namin na ito ay napakasarap ng ihip ng hangin.

Nahagip ng mata ko si Lesther na natutulog sa may puno kung saan ako tumatambay. Kitang kita ko siya kahit na ilang metro ang layo namin.

Nagdesisyon akong pumunta rin sa punong iyon. Hindi dahil andoon siya, pupunta ako roon dahil nakaka relax naman talaga.

Sa likod ng puno ako pumwesto para hindi niya malaman na may kasama siya dito.

Napatigil ako sa pag labas ng mga notebook ko ng marinig siyang kumanta.

"'Di ba nga ito ang iyong gusto? O ito'y lilisan na ako. Mga ala-ala'y ibabaon, kapalit ang tamis ng kahapon"

Wala pa ring kupas ang boses niya. Ngunit mas ikinatigil ko nang maalala na ang kantang iyan ay ang kinakanta niya saakin dati.

"Mga gabing 'di namamalayang, oras ay lumilipad. Bawat sandaling lumalayag kung sa'n man tayo mapadpad. Bawat kilig na nadarama sa tuwing hawak ang iyong kamay, ito'y maling akala, isang malaking sablay"

Base sa boses niya ay mahahalata mong malalim ang pinaghuhugutan niya. Pakiramdam ko ay ano mang oras ay sasabog ang luha ko dahil sa nararamdaman ko mula saaking dibdib.