လူအဝင်အထွက်များနေတဲ့ ကျောင်းထဲက လျှောက်လမ်းနဲ့ လှေကားတွေကို ကြိုးစားကျော်ဖြတ်ခဲ့ပြီးတဲ့နောက် စာသင်ခန်းထဲသို့ ရောက်လာခဲ့ပါပြီ ။
သိပ်မကြာခင် နှုတ်ဆက်ရတော့မယ့် စာသင်ခန်းလေးကို
မျက်လုံးတစ်ချက်ဝှေ့ကြည့်လိုက်သည်။
ဒီလထဲ ဝင်ခွင့်စာမေးပွဲတွေပြီးတာနဲ့ စီနီယာဖြစ်လာတော့မယ့် ကိုယ်တွေရဲ့ စာမေးပွဲအလှည့် ။
အခုချိန်ထိ စာတွေ သေချာမကြည့်ရသေးပေမယ့် Chanyeol လုံးဝ စိတ်မပူမိပါ။
ကိုယ်က ဉာဏ်ကောင်းတယ်လေ အချိန်တန်ရင်တော့
ဖြစ်သွားမှာပေါ့
Sera အပါအဝင် အတန်းဖော်အချို့ကတော့ အမှတ်တရတဲ့
ဓာတ်ပုံတွေရိုက်ပြီး စာတွေရေးနေကြပေမယ့်
Chanyeol ကတော့ ရှေ့က စားပွဲပေါ် ခေါင်းမှောက်ချလိုက်တော့သည် ။
သူ့အတွက်တော့ ဒုတိယထပ်စာသင်ခန်းကနေ
တတိယထပ်စာသင်ခန်းကို ပြောင်းဝင်ရုံသာ ။
ဒီနေ့တော့ ဝင်ခွင့်စာမေးပွဲတွေကြောင့် ဆရာတွေ အတန်းချိန်ဝင်ဖို့ မအားဘူးထင်တယ်
ပျင်းဖို့ကောင်းလိုက်တာ ...
' Chanyeol ah....'
'အင်း '
ခေါင်းမှောက်အိပ်လျက်သာ ပြန်ထူးလိုက်သည်။
' နေမကောင်းဘူးလား '
' ကောင်းတယ် '
' ငါတို့ ဓာတ်ပုံရိုက်ရအောင် '
' မရိုက်ချင်ပါဘူး '
' နင်ကလည်း...စီနီယာဖြစ်တော့မှာ မပျော်ဘူးလား '
' စီနီယာဖြစ်တော့ရော ဘာထူးဆန်းလို့လဲ
နောက်တစ်ထပ်ပိုတတ်ရလို့ ခြေထောက်ပိုညောင်းတယ် '
' တကယ်ပါပဲ ...ထပါဆို...ထ...! '
စားပွဲပေါ်မှောက်ချထားတဲ့ခေါင်းကို လည်ဂုတ်ကနေ ဆွဲဖက်လိုက်တော့ လူက အလိုက်သင့်ပါလာတော့သည်။
အသင့်ချိန်ထားပြီသား ph camera ပေါ်မှာ ဖွာလန်ကျဲနေတဲ့ ဆံပင်နဲ့ မှေးစင်းနေတဲ့ မျက်လုံးတို့ နှင့်အတူ သွားတွေပေါ်တဲ့ အထိ တောက်ပနေတဲ့ ကျောင်းသူလေးရဲ့အပြုံးတို့ဟာ ပထမနှစ် သူငယ်ချင်းနှစ်ယောက်ရဲ့ အမှတ်တရ ....။
