ဟာဟာ အကောင့်လေး မီးစိမ်းနေပါလား။
"နေကောင်းတယ်နော် အမ"
"ကောင်းသားပဲ"
ဘယ်သောအခါမှ မချေတတ်သော၊ reply ချက်ချင်းလာတတ်သော ဤ အကောင့်လေးကို သူ သိပ်ကျေးဇူးတင်ပါသည်။
"အမအိမ်ပြန်သွားတယ်ဆို "
"omm ဟုတ်တယ် ။ စိမ့်ကပြောတယ် မင်းသူ့ကိုလာမေးတာကို"
"ဟုတ်တယ် ကျောင်းမှာအမကို မတွေ့တော့ နေမကောင်းဘူးလားလို့ စိတ်ပူသွားတာပေါ့"
မီ့မျက်နှာ မှာ အပြုံးတစ်ပွင့်ဖြတ်ပြေးလေသည်။
"စာမေးပွဲနီးပြီ စာလုပ်တော့လေ"
"အာ ကျောင်းသင်္ကြန်ပြီးမှ လုပ်မှာပေါ့ဗျ"
"ဟုတ်လား ဒါဆို bye နော်"
ဟာဟာ နေဦးလေ။
"နေပါဦး "
တော်သေးတယ် ။ seen.ပြနေသေးတာပဲ။
"ကျွန်တော် ရေလာလောင်းမယ်နော်
အဲ့တာခွင့်ပြုမှာလား"seen ပြသွားပြီ။
"သင်္ကြန်ပဲ လောင်းပေါ့
ရေလောင်းတာ ဘာဆန်းလဲ😅""🥺"
ဟော ဆင်းသွားပြီ။
ရေလောင်းတာ ဘာဆန်းလဲတဲ့။ ဆန်းတာပေါ့ဗျာ ။
ခင်ဗျားတစ်ယောက်တည်းကို လောင်းမဲ့ရေဟာ အချစ်တွေ ပျော်၀င်နေလေတော့ သိပ်ဆန်းကြယ်တဲ့ အချစ်ရေစင် ဖြစ်နေမှာပေါ့။
ဘာပဲဖြစ်ဖြစ် မနက်ရောက်ရင် ခင်ဗျားလေးကို ဆန်းတဲ့အချစ်ရည်တွေ လာလောင်းပစ်မယ် ဒေါ်ယွန်းမီမီကျော်။
*****
"ဟာ မမိုက်ပါဘူးကွာ။ ဘယ်နှယ့် ကျောင်းသင်္ကြန်မှာ စာသင်ရတယ်လို့။"
မင်းသန့်နှင့်ကျော်စွာတို့က သူ့ကို ပြုံးတုံ့တုံဖြင့် ကြည့်နေကြသည်။"မင်းနေခဲ့မှာလား ငပိုင် ၊ ငါတို့ မေဂျာ
မဏ္ဍတ်ဆီ သွားမလို့ "ခွန်ခန့်မင်းပိုင် မျက်နှာမှာ ရှုံ့မဲ့လျှက်
"အေး သွားနှင့်ကြ ။ပြီးရင် လာခဲ့မယ်"