ကျွန်တော့်ရဲ့ မမ ဆုံးဖြတ်တာ အမှန်သားဗျ။
သူမလေးဆီက အဖြေရဖို့အတွက်
လုံလောက်တဲ့ အချိန်တစ်ခုအထိ စောင့်ခဲ့တာ သိပ်မှန်ခဲ့တာပေါ့....................
သူငယ်ချင်းအဖြစ်နေခွင့်ရခဲ့တာကြောင့် သူမအနား အမြဲရှိနေလို့ရတယ်
ကိုယ့်မမက အနီးကပ်ပေါင်းကြည့်လိုက်တော့လည်း သိပ်မအေးဘူးခင်ဗျ
တစ်ခါတစ်လေ အကြံရရင် ရသလို
ဖောက်တတ်သေးတယ်
တစ်နေ့တုန်းကဆိုရင်
ကိုယ့်မမက ဆိုင်ကယ်မောင်းချင်ပါတယ်ဆိုလို့ သူ့နောက်မှာ ထိုင်လိုက်ရသေးတယ် ....မမောင်းတတ်မောင်းတတ်နဲ့မို့ ရသမျှဘုရားစာတွေဆိုတာ ရွတ်လိုက်ရတာ အမော။
ကျောက်ဆည်တောင်ပေါ် ၊
ရွှေသိမ်တော် နဲ့ ရွှေဂူကြီးဘုရားများဆီ ကျောင်းပိတ်ရက်တွေမှာ ကိုယ့်မမနဲ့အတူ ရောက်နေတတ်တယ် ။
တစ်နေ့တစ်နေ့ ကိုယ်ကတော့
ကိုယ့်အချစ်တွေကို အားမနာတမ်းထုတ်ပြနေတော့တာပေါ့။
ဒီလိုနဲ့ တစ်နေ့တော့ ကိုယ့်crushဆီက
ကိုယ်မျှော်လင့်တဲ့ အချစ်တွေ ရခဲ့ပါတော့တယ်။
_နည်းပညာတက္ကသိုလ်(ကျောက်ဆည်)
ခွန်သည် ကျောင်းဆောင်ဟောင်း၏
ရှေ့မှာ ရပ်စောင့်နေသည်။
ကျောင်းဆောင်ဟောင်း၏ အရှေ့ဘက် လမ်းသွယ်တစ်လျှောက်ရှိ ခရေပင်တို့မှ ခရေနံ့များ ကြိုင်လှိုင်ကာထွက်ပေါ်နေကြ၏။
စာမေးပွဲဖြေပြီးသော ကျောင်းသားတို့သည် ခရေပင်တန်းအောက်မှ အလျှိုလျှို လျှောက်လှမ်းထွက်လာနေကြသည်။
ကျောင်း၀န်း၏ ဤညနေသည် နှစ်၀က်စာမေးပွဲ၏ နောက်ဆုံးနေ့ဖြစ်၍ ၀မ်းနည်းဖွယ်ရာ ခြောက်သွေ့လျှက်ရှိသည်။
ခွန်ခန့်မင်းပိုင် လည်ပင်းတစ်ချက်ဆန့်၍ မျှော်ကြည့်လိုက်သည်။
လာနေပါပြီ ။ ချစ်ရသော အင်ယာလောင်းလေး။
"ဖြေနိုင်လား မမ"
ရောက်လျှင်ရောက်ချင်း
သွားလေးတွေပေါ်အောင် ပြုံးပြီး
မေးလာတဲ့ မောင်...
" အဲ့ မမခေါ်ရင်လေ ငါသိပ်ရီချင်တာပဲ"
ပြောရင်းဆိုရင်းကို ရီနေပါပြီ။ဒီလို ရယ်မြူးနေပုံထောက်တော့ ဒီနောက်ဆုံးဘာသာကို ကိုယ့်မမဖြေနိုင်ခဲ့ပုံပါပဲ။
