ရှားရှားပါးပါးရတဲ့ နားရက်ရှည်လေးမှာ ပင်လယ်သွားဖို့ကိုပဲ ဆုံးဖြတ်လိုက်တာမို့ မိသားစုကိုသာ အသိပေးခွင့်တောင်းပြီး နှစ်ယောက်ထဲ ထွက်လာခဲ့ကြသည် . ကျန်တဲ့သူဆီက အရစ်မခံရပဲ Baekhyun အကိုဖြစ်သူဆီက အကြာကြီး အရစ်ခံလာရသော Chanyeol .
" ငါ့ညီက နေကောင်းသေးတာမဟုတ်ဘူး မင်းကနေရာတကာလျှောက်ခေါ်နေတော့တာပဲ " ဆိုတဲ့ Minhyun ရဲ့စကားက
" Hyung ညီလေးလိုက်သွားချင်လို့ပါ " ဆိုတဲ့ Baekhyun ရဲ့ တစ်ခွန်းထဲနဲ့ အဆင်ပြေသွားရခြင်းမို့သာ တော်တော့သည် .
ကားစ မထွက်ခင်ကတည်းက ကားရှေ့ခန်းခုံပေါ်အကျအနထိုင်နေသူ Baekhyun ကြောင့် Chanyeol ကပဲ မိဘတွေကို စိတ်ချဖို့ သေချာပြောနှုတ်ဆက်ခဲ့ရသည် . အစပိုင်းတုန်းကတော့ ကားပေါ်စားရအောင်ယူလာတဲ့ မုန့်မှန်သမျှ တစ်ထုတ်စီဖောက်စားနေရင်းမှ မကြာဘူး အိပ်ပျော်သွားတော့တယ် .
ကားပြတင်းပေါက်ဘက်ကို ခေါင်းတစ်ခြမ်းစောင်း အိပ်နေသော Baekhyun ကြောင့် ကြာတော့ ဇတ်နာမည်စိုး၍ ကားကို လမ်းဘေးခဏရပ်နားရတော့သည် . ခေါင်းကိုအသာကိုင်ပြီး နေရာတကျပြန်လုပ်ပေးပြီး ကားခုံကို နောက်လှန်ချပေးဖို့တွေးပြီးလုပ်လိုက်ပေမယ့်
" အင်း..... "
တအင်းအင်းနဲ့ မျက်လုံးပင်မဖွင့်ပဲနိုးလာပါသော Baekhyun .
" ခေါင်းနာတော့မယ် အခုထိအိပ်ရေးမဝသေးတာလား ဟင်.."
" ကားမူးတယ် အိပ်ဦးမှာ "
" အင်းအင်း အိပ် , မောင်ရောက်ရင်နှိုးလိုက်မယ် "
Chanyeol ပြောတာကိုပင်ဆုံးအောင်နားမထောင်ပဲ ပြန်အိပ်သွားသော မျက်စိရှေ့က မိုချိလုံးလို လူသားလေးကို ဝါးသာစားပြစ်ချင်တော့တယ် . အိပ်နေတာများ နှုတ်ခမ်းပါးပါးရဲရဲလေးက ရှေ့ကို စူထွက်လို့ .
တရွေ့ရွေ့သွားနေသော ကားကြောင့် တစ်ချက်တစ်ချက် နေအလင်းရောင်က ကားထဲကအိပ်နေသူဆီကျရောက်ပြန်တော့ မျက်မှောင်ကကုတ်သေး . တစ်ခါတစ်လေ Chanyeol ကို မျက်စိဖွင့်ကြည့်သည်ဆိုရုံလောက်. အသက်ရှုသံတိုးတိုးလေးကိုပင် Chanyeol မှာ ချစ်မဝ.
YOU ARE READING
AmnesiA [ 𝙲𝙷𝙰𝙽𝙱𝙰𝙴𝙺 ] {𝐂𝐎𝐌𝐏𝐋𝐄𝐓𝐄𝗗}
Fanfiction《 Unicode + Zawgyi 》 " Baekhyun က မောင့်ရဲ့ ပြည့်စုံခြင်းပဲ , မောင်ဆိုတဲ့ Chanyeol ရဲ့ ဒီဘဝလေးပြည့်စုံဖို့ Baekhyun က မရှိမဖြစ်လေး " " ကြယ်တွေကြွေမှ ငါ့ဆုတောင်းတွေပြည့်မယ်ဆို ငါဆုမတောင်းဘူး မောင် , အဲ့လိုပဲ မောင်တစ်ခုခုထိခိုက်သွားမှ ငါအ...