တည်

အခန်း - ၆

Unicode//

အတိတ်သို့တူးဆွခြင်း ၃

"အ!!"

"အ!"

ပြိုင်တူထွက်လာသော အာမေဋိတ်သံနှစ်ခု။

"ဟို....မင်းရရဲ့လား"

သူ့ရှေ့ကိုရောက်လာသော လက်ဖြူဖြူလေးတစ်ဖက်။ ဘေဘေး လဲကျနေရာမှတစ်ဖက်သို့လှည့်ကာပြုံးလိုက်သည်။

Bingo!

ထို့နောက် ထိုလက်ဖြူဖြူလေးကိုဆွဲကာ ထရပ်လိုက်ပြီး...

"ရပါတယ်...ငါ့အမှားလည်းပါတာပဲ"

ပြောလိုက်ပြီးနောက် သူ့အားစိုးရိမ်သလိုမျက်လုံးအဝိုင်းသားကြည့်နေသော ဖြူဖြူလုံးလုံးကောင်လေးအား ပေါ့ပေါ့ပါးပါး ပြုံးပြလိုက်သည်။ သူပြုံးပြတော့မှ ထိုကောင်လေးက ပြန်ပြုံးပြလာ၏။

"အန်တီ...MILOတစ်ဘူး"

"MILOတစ်ဘူး"

သံပြိုင်ပြောလိုက်ကြပြီးမှ တစ်ယောက်မျက်နှာတစ်ယောက်ကြည့်ကာ ရယ်မောလိုက်မိကြသည်။ ထို့နောက် MILOတစ်ယောက်တစ်ဘူးစီကိုင်ကာ အတူပြန်ထွက်လာခဲ့ကြ၏။

"မင်းလည်း MILOကြိုက်တာလား"

"အင်း ငါငယ်ငယ်ကတည်းကကြိုက်တာ...ငါ့အဖေတွေဆို ဘယ်သွားသွား ငါ့အတွက်MILOတော့အမြဲပါလာတယ်"

"အဖေတွေ?"

အံ့ဩသလိုရေရွတ်သံလေးကြောင့်သူရယ်လိုက်မိသည်။ ၅ပေ ၁၀လက်မရှိပြီဖြစ်သော သူ့ဘေးတွင် ထိုဖြူလုံးလေးက သူ့မေးစေ့အောက်လောက်သာရှိ၏။

"အင်း ငါ့မှာ မိဘအရင်းတွေလည်းရှိတယ်... ခေါင်းကိုင်အဖေတွေလည်းအများကြီးပဲ...နောက်တော့ သတင်းတွေကြားရမှာပါ..."

"ဪ"

ထူးဆန်းသလိုရေရွတ်ပြီး သူ့ဘာသာ Miloကိုပြန်စုပ်နေသည်။ ဘေဘေးလည်း ဘာမှဆက်မပြောဖြစ်။ ဒီနေ့ကဒီလောက်နှင့်လုံလောက်ပြီဖြစ်၏။ မုန့်ဆိုင်မှာတိုက်မိခြင်းကလည်း သူ့အကြံအစည်ပင်။

"ဟို ငါတို့သူငယ်ချင်းလုပ်ကြမလား"

Yes!!!!!!!!

ဘေဘေးတစ်ယောက် စိတ်ထဲမှကြိတ်ပြီး လက်သီးလက်မောင်းတန်းမိသွားသည်။ အခြေအနေက သူမျှော်လင့်ထားသည်ထက်ပိုကောင်းလွန်းနေသည်။ မျက်နှာတွင် အလှဆုံးအပြုံးတစ်ပွင့်ဆင်မြန်းလိုက်ပြီးမှ…