"ဒါတွေကဘာဖြစ်တာလဲ"
မင်းသားငယ်ကအနမ်းတို့ကိုရပ်တန့်လိုက်ပြီးပြီးချင်း အုပ်ကိုင်ထားတဲ့လက်ပေါ်ကဒဏ်ရာတွေကိုမေးခွန်းထုတ်တော့သည်။ နားမလည်နိုင်စရာအနမ်းအတွက် မေးခွန်းထုတ်ချိန်မရသလို ရှက်သွေးဖြာနေမယ့်အချိန်လဲမရလိုက်...။
"အာလူးနွှာတုန်းက ဓါးနဲ့ထိမိထားတာတွေ"
ဂျောင်းဝန်းလက်တွေကိုအမြန်ဖွက်လိုက်ပေမယ့် မင်းသားငယ်ကပြန်လည်ဆွဲယူသည်။ အင်္ကျီလက်ထဲကပိုးသားပုဝါတစ်ထည်ကိုထုတ်ကာ ဂျောင်းဝန်းရဲ့လက်ကိုစည်းပေးလာသည်။
"အခု ကိုယ့်အပိုင်ဖြစ်သွားပြီဆိုတော့ အများကြီးဂရုစိုက်ရမယ်
အနာတရမဖြစ်စေနဲ့"
"ဗျာ"
ခရီးရောက်မဆိုက် လူကိုနမ်းချင်သလိုဆွဲနမ်းသွားပြီး အခုပြောလာတဲ့မင်းသားငယ်ရဲ့စကားတွေကလဲ ထူးဆန်းသည်။ ပိုင်စိုးပိုင်နင်းနဲ့ အထင်လွဲမှားစေတဲ့စကားမျိုး...။
ဂျောင်းဝန်းနားမလည်တာနဲ့ ခေါင်းလေးစောင်းကာထပ်လို့မေးခွန်းထုတ်မိသည်။
ကိုယ့်ကိုကိုယ်တော်လှပြီထင်သမျှဟာ မင်းသားငယ်ရှေ့ရောက်မှပဲ အကုန်လိုက်မေးခွန်းထုတ်နေတဲ့ ငဒူတစ်ကောင်လိုခံစားရတော့သည်။
"မနေ့ကပြောခဲ့တယ်မလား
အနားမှာတောက်တဲ့လိုတွယ်ကပ်နေပြီး အလိုရှိတာမှန်သမျှဖြည့်ဆည်းပေးသွားမယ်ဆို"
"အဲ့တာ ကျွန်တော်ကသေရည်မူးနေလို့ပြော..."
ရှက်ရမ်းပြီးငြင်းဖို့ပြင်နေတဲ့စကားဟာ မင်းသားငယ်ရဲ့တွန့်ချိုးနေတဲ့မျက်ခုံးနှစ်ဖက်အောက်ကစူးရဲနေတဲ့မျက်ဝန်းတို့နဲ့အဆုံမှာရပ်တန့်သွားသည်။
"အဲ့တော့ အလိုရှိတာကိုမဖြည့်ဆည်းပေးနိုင်ဘူးဆိုတဲ့သဘောပေါ့"
"အဲ့တာက..."
"ရတယ်လေ အမတ်ကြီးကိုသူ့သားဆောင်ကြာမြိုင်ခိုးသွားတဲ့အကြောင်းပြန်ပြောကြတာပေါ့"
လက်နောက်ပစ်ရင်း တစ်လှမ်းချင်းဟန်ပါပါထွက်သွားတဲ့သူကိုကြည့်ကာ ဂျောင်းဝန်းကြောင်နေမိသည်။
YOU ARE READING
ᴛɪʟʟ ᴛʜᴇ ᴘᴇᴀᴄʜᴇꜱ ʙʟᴏᴏᴍ-⁽ᴹᵉᵒʷᶻ⁾
FanfictionI'm your captive. Willingly... Jaywon Side ship//Sunsun Historical Romance × comedy
