ယနေ့ နန်းတော်ထဲတွင် အမဲလိုက်ပွဲရှိသည်။ ထို့အတွက် ပုံမှန်နေ့ရက်တွေထက်အလုပ်အနည်းငယ်ပိုရှုပ်နေကြသည်။
ကွင်းပြင်အလယ်မှာစိုက်ထူထားတဲ့ရောင်စုံပိတ်စတွေက လေကြောင့်တလူလူလွင့်နေသည်။
အိမ်ရှေ့စံက ထိုရောင်စုံအလံတွေကိုငေးကြည့်နေသည်။ ပြီးတော့ မတော်တဆဒဏ်ရာရခဲ့ရင်အသုံးပြုမယ့်ဆေးဝါးတွေကို အဆင်သင့်ပြင်ဆင်နေတဲ့ လှုပ်လီလှုပ်လဲ့ကျောပြင်ငယ်ဆီအကြည့်ပို့ရင်း သူ့မူပိုင်အတိုင်း ခပ်အေးအေးလေးပြုံးသည်။ မြင်သူတိုင်းရဲ့ရင်ကိုအေးသွားစေတဲ့အပြုံးမျိုး။သို့သော် ထိုအပြုံးတို့၏ပိုင်ရှင်ဖြစ်သော အိမ်ရှေ့စံကိုယ်တိုင်ကမူ ရင်ထဲတွင်အပူမီးတောက်လောင်နေရသည်။ ဘယ်သူမှမသိနိုင်သလို ဘယ်သူ့ကိုမှလဲ ဖွင့်ချပြလို့မရနိုင်တဲ့မြတ်နိုးခြင်းတွေကို အချိန်ကာလအတော်ကြာအောင် အောင့်အီးသိမ်းဆည်းထားခြင်းက အိမ်ရှေ့စံရဲ့စိတ်နှလုံးကို အတော်လေးမသာမယာဖြစ်စေသည်။
နေ့တဓူဝ နန်းတွင်းရေးရာကိစ္စတွေနဲ့ရှုပ်နေရင်း ဆန်မုန့်လေးကို ဤသို့ပင် အဝေးကငေးမကြည့်ရသည်မှာ ကာလအတန်ကြာပြီ...။
ဆန်မုန့်လေးရဲ့အပြုံးတွေက အိမ်ရှေ့စံရဲ့တစ်နေ့တာအတွက် အင်အားတွေဖြစ်တာကြောင့် ဆန်မုန်လေးကိုအရိပ်ပင်မမြင်နိုင်ခဲ့သည့် လွန်ခဲ့တဲ့ရက်တွေမှာ အိမ်ရှေ့စံကလန်းလန်းဆန်းဆန်းမရှိလှပါ။
မြင်းကုန်းနှီးပေါ်တက်သည်ထိတိုင် အိမ်ရှေ့စံရဲ့ခေါင်းထဲမှာ ဆန်မုန့်လေးနဲ့အချိန်အတူကုန်ဆုံးနိုင်မယ့်နည်းလမ်းတွေကို မှန်းဆလို့တွေးတောနေခဲ့သည်။
နောက်ဆုံးမှာတော့ အကောင်းဆုံးနည်းလမ်းကိုရှာတွေသလိုမျိုး နှစ်နှစ်ခြိုက်ခြိုက်ပြုံး၏။
"ဟိုက်ရား"
မြင်းကိုအသော့နှင်ပြီး တောအုပ်ထဲဝင်သွားနှင့်သောအိမ်ရှေ့စံနောက်သို့ နောက်လိုက်များက မနည်းမှီအောင်လိုက်ရသည်။
YOU ARE READING
ᴛɪʟʟ ᴛʜᴇ ᴘᴇᴀᴄʜᴇꜱ ʙʟᴏᴏᴍ-⁽ᴹᵉᵒʷᶻ⁾
FanfictionI'm your captive. Willingly... Jaywon Side ship//Sunsun Historical Romance × comedy