ထိုနေ့ကအဖြစ်အပျက်ပြီးနောက်မှာတော့ ကင်ဆောနူးတစ်ယောက် ဂျောင်းဝန်းအား မျက်စိအောက်မှအပျောက်မခံတော့ချေ။ ဂျောင်းဝန်းက စိတ်ရှုပ်တယ်ဟုအော်ကာ နှင်လွှတ်လျှင်ပင် ခပ်လှမ်းလှမ်းမှချောင်းကြည့်နေတတ်သေးသည်။
"အရှင့်သား ဂျောင်းဝန်းချော်လဲလို့..."
"အရှင့်သား ဂျောင်းဝန်းနှာစေးနေတယ်..."
"အရှင်သား ဂျောင်းဝန်းကြောင်ကုတ်ခံရလို့..."
စသဖြင့်..ယန်းဂျောင်းဝန်းရဲ့ခြေလှမ်းတွေကို စောင့်ကြည့်ပြီး မင်းသားငယ်ကိုသတင်းပို့ဖို့လဲ အမြဲမပျက်ကွက်။
ဂျောင်းဝန်းမှာတော့ ကိစ္စတစ်ခုခုရှိလေတိုင်း မင်းသားငယ်က တစ္ဆေလိုမျိုး ဖုတ်ခနဲရောက်ရောက်လာတတ်၍ အတော်လန့်နေလေသည်။
မင်းသားငယ်က ဆောနူးရဲ့သတင်းစကားတွေကြောင့် ဂျောင်းဝန်းဆီလှစ်ခနဲရောက်သွားတိုင်း အိမ်ရှေ့စံက "ဟေး ဆန်မုန့်" ဟုခေါ်ကာ သူ့ဆီပြေးကပ်လာစမြဲ။
ဒါကြောင့်လဲ အောင်သွယ်တော်သတင်းပေးအဖြစ် အလွန့်အလွန်တက်ကြွနေတာဖြစ်နိုင်သည်။
ဆောနူးဘေးနားရှိနေလျှင် ရာဇအိန္ဒြေမထိန်းနိုင်လောက်အောင် တစ်ဟီးဟီးတစ်ဟားဟားနှင့် ပါးစပ်နားရွက်တက်ချိတ်နေတတ်တဲ့ အိမ်ရှေ့စံအကြောင်းက မိဖုရားကြီးရဲ့နားထဲရောက်သွားပြန်တော့လဲ မိဖုရားကြီးမှာ ဝမ်းသာပီတိဂွမ်းဆီထိကာ ပြုံးစိစိ...။
ဒါကြောင့်နှစ်ယောက်အတူရှိနေချိန်ဆို မုန့်ချိုတွေပြင်ကာပို့ခိုင်းတတ်ပြီး အထိန်းတော်တစ်သိုက်ကိုလဲ ခပ်လှမ်းလှမ်းမှာသာနေရန် ကြိတ်မှာတတ်သည်။
ထိုအခြေအနေကိုသိပ်မကျေနပ်ချင်သူက ဂျောင်းဝန်းသာ...။
"ရား..ကင်ဆောနူး
ငါခေါင်မိုးပေါ်တက်ဆော့တာကို မင်းသားငယ်ဆီပြန်ချွန်လိုက်တာ မင်းမလား"မင်းသားငယ်ကအပြေးလေးရောက်လာတာကို သဘောမကျလို့မဟုတ်ပေမယ့် ကမြင်းကြောထတဲ့အကျင့်က ပြင်လို့မှမရသေးတဲ့ဟာကို...။ သူခေါင်မိုးပေါ်တက်ပြီး ကြောင်တွေနဲ့ဆော့တာလဲ မင်းသားငယ်ဆီပြန်ရောက်သည်။ သစ်ပင်ပေါ်တတ်ပြီး ပုတ်သင်ညိုနဲ့အတင်းသွားတုတ်လဲ.. မင်သားငယ်ဆီပြန်ရောက်သည်။
![](https://img.wattpad.com/cover/280724125-288-k646052.jpg)
YOU ARE READING
ᴛɪʟʟ ᴛʜᴇ ᴘᴇᴀᴄʜᴇꜱ ʙʟᴏᴏᴍ-⁽ᴹᵉᵒʷᶻ⁾
FanfictionI'm your captive. Willingly... Jaywon Side ship//Sunsun Historical Romance × comedy